ది ప్యారడైజ్ ఆగస్టుకు వాయిదా

నాని కథానాయకుడిగా నటిస్తున్న చిత్ర ‘ది ప్యారడైజ్’. శ్రీకాంత్ ఓదెల దర్శకత్వం సుధాకర్ చెరుకూరి నిర్మిస్తున్నారు. మోహన్ బాబు, రాఘవ్ జుయల్, సంపూర్ణేష్‌బాబు కీలక పాత్రలు పోషిస్తున్న ఈ సినిమా షూటింగ్ ఇప్పుడు హైదరాబాద్‌లో శరవేగంగా సాగుతోంది. టీమ్ ప్రస్తుతం నాని ఇంట్రడక్షన్ సాంగ్ చిత్రీకరిస్తోంది. తొలుత ఈ సినిమాను మార్చి 26న విడుదల చేయాలనుకున్నారు.

నిర్మాతలు తాజాగా కొత్త విడుదల తేదీని ప్రకటించారు. ఆగస్టు 21న విడుదల చేయనున్నట్టు వెల్లడించారు. అయితే, ఓనమ్, మిలాద్--ఉన్--నబీ, రక్షాబంధన్, శ్రీకృష్ణ జన్మాష్టమి పండుగలు సినిమాకు వరుసగా మూడు వారాల పాటు కలిసి రానుంది.  ఈ చిత్రానికి సంగీతం: అనిరుధ్ రవిచందర్; డీవోపీ: సీహెచ్ సాయి; ఎడిటింగ్: నవీన్ నూలి; ప్రొడక్షన్ డిజైన్: అవినాష్ కొల్లా.