బీసీ సంక్షేమ జిల్లా అధ్యక్షుడు వేముల మహేందర్ గౌడ్..  

హనుమకొండ (విజయక్రాంతి): బీసీలు సర్పంచ్ లు కాకుండా అగ్రకులానికి చెందిన వారు బెదిరింపులకు గురి చేస్తూ దాడులు చేస్తున్నారని, దీనిని తీవ్రంగా ఖండిస్తున్నట్లు బీసీ సంక్షేమ సంఘం జయశంకర్ భూపాలపల్లి జిల్లా అధ్యక్షుడు వేముల మహేందర్ గౌడ్ తెలిపారు. సోమవారం ఆయన విలేకరుల సమావేశంలో మాట్లాడుతూ నల్లగొండ జిల్లా తిప్పర్తి మండలంలోని ఎల్లమ్మగూడెం గ్రామానికి చెందిన బీసీ సామాజిక వర్గానికి చెందిన మామిడి నాగలక్ష్మి భర్త యాదగిరి యాదవ్ సర్పంచ్ గా పోటీ చేయవద్దని, అగ్రకులానికి చెందిన కోమటిరెడ్డి అనుచరులు అయిన బోల్ల వెంకట్ రెడ్డి, ఉట్కూరి సందీప్ రెడ్డి అను వ్యక్తులు మా మీదే నామినేషన్ వేస్తావా అంటూ యాదగిరి యాదవ్ ని కిడ్నాప్ చేసి కత్తితో దాడి చేసి దారుణంగా కొట్టారని, కాంగ్రెస్ పార్టీ ఓ వైపు బీసీలకు 42 శాతం రిజర్వేషన్లు అంటూ మరోవైపు బీసీ అభ్యర్దిని నామినేషన్ వేయనీయకుండా కొట్టడం దారుణమని, వెంటనే నిధింతులను కఠినంగా శిక్షించాలని వేముల మహేందర్ గౌడ్ డిమాండ్ చేశారు.