సదాశివనగర్ (విజయక్రాంతి): కామారెడ్డి జిల్లా సదాశివనగర్ మండలం తిరుమన్ పల్లి గ్రామానికి చెందిన బీజేపీ, కాంగ్రెస్ నాయకులు పలువురు ఆదివారం బీఆర్ఎస్ లో  చేరారు. బీజేపీ పార్టీకి చెందిన లాల్ సింగ్ బారాస పార్టీలో చేరారు. అలాగే కాంగ్రెస్ పార్టీకి చెందిన జిన్న మధు కాంగ్రెస్ పార్టీ నుండి బారాసలో చేరారు, ఉమ్మడి సదాశివ నగర్ మండలం మాజీ జడ్పిటిసిలు పడిగెల రాజేశ్వరరావు, కమిలి నరసింహులు, మాజీ ఎంపీపీ అనసూయ రమేష్, కళాలి సాయ గౌడ్ ల సమక్షంలో బీఆర్ఎస్ పార్టీలో చేరారు.

అట్టడుగు వర్గాల ప్రజలకు మేలు చేసిందే కేసీఆర్ పాలనని అందుకే తాము ఆ పార్టీలను వదిలి తెలంగాణలో పీడిత ప్రజలకు మేలు చేసే బీఆర్ఎస్ లో చేరుతున్నామన్నారు. ఈ కార్యక్రమంలో గ్రామ మాజీ సర్పంచ్ మధుసూదన్ రావు, మర్కల్  మాజీ ఎంపీటీసీ బైరవరెడ్డి, మాజీ ఉపసర్పంచ్ అశోక్ రెడ్డి, బావల సామి, నాగయ్య, భూమిరెడ్డి, చాకలి లింగం ఆధ్వర్యంలో బి ఆర్ ఎస్ పార్టీలో చేరారు. ఈ కార్యక్రమంలో అడ్లూరు ఎల్లారెడ్డి గ్రామ పార్టీ అధ్యక్షుడు మహేష్, సిహెచ్ మహేష్ యాదవ్ తదితరులు పాల్గొన్నారు.