సెట్విన్ కో-ఆర్డినేటర్ ఎం. సరిత..

నల్లగొండ టౌన్  (విజయక్రాంతి): స్వయం ఉపాధి కోర్సులను యువత సద్వినియోగం చేసుకొని ఉపాధి, ఉద్యోగ అవకాశాలను పొందవచ్చని నల్లగొండ సెట్విన్ శిక్షణ సంస్థ కో ఆర్డినేటర్ ఎం.సరిత(SETWIN Training Institute Coordinator M. Saritha) అన్నారు. నలగొండ పట్టణంలోని సెట్విన్ సాంకేతిక శిక్షణ సంస్థ ఆధ్వర్యంలో యువతి, యువకులు, నిరుద్యోగులు, విద్యార్థులకు స్వయం ఉపాధి కోర్సులలో శిక్షణ ఇచ్చిన మొదటి బ్యాచ్ కు బుధవారం శిక్షణ కేంద్రంలో పరీక్ష నిర్వహించారు. 

ఈ సందర్భంగా ఆమె మాట్లాడుతూ... మార్కెట్లో డిమాండ్ ఉన్న ఎడ్యుకేషన్ కోర్సులు, కంప్యూటర్ బేసిక్స్,  డిటిపి, ఎలక్ట్రీషియన్, ప్లంబర్, మొబైల్ రిపేరింగ్, అదేవిధంగా విద్యార్థినీలకు, యువతులకు కంప్యూటర్, బ్యూటీషియన్, డిప్లమా ఇన్ ఫ్యాషన్ డిజైనింగ్, టెక్ టైల్స్ డిజైనింగ్, కుట్టు మిషన్ తదితర కోర్సులలో శిక్షణ ఇవ్వడం జరుగుతుందని పేర్కొన్నారు. 50 శాతం ఫీజు రాయితీతో విద్యార్థులకు ఈ శిక్షణ ఇవ్వడం జరుగుతుందని తెలిపారు. పూర్తి వివరాల కోసం 9705041789 సెల్ నెంబర్ ను సంప్రదించాలని సూచించారు.