సెంట్రల్ జోన్ డిప్యూటీ కమిషనర్ కోగంటి శిల్పవల్లి

ముషీరాబాద్, నవంబర్ 30 (విజయక్రాంతి): పిల్లల ఎదుగుదలలో తల్లిదండ్రులదే కీలక పాత్ర అని సెంట్రల్ జోన్ డిప్యూటీ కమిషనర్ కోగంటి శిల్పవల్లి ఐపీఎస్ అన్నారు. ఆక్స్ఫర్డ్ గ్రామర్ హై స్కూల్(ఓజీహెచ్‌ఎస్) 45వ వార్షిక దినోత్సవాన్ని ’హైదరాబాద్ కి కహానీ’ అనే థిమ్ తో అద్భుతమైన సాంస్కృతిక వైభవంతో ఘనంగా జరుపుకుంది.

ఈ సందర్భంగా ఆమె ముఖ్య అతిథిగా హాజరై మాట్లాడుతూ చిన్నారుల అభిరుచులను తల్లిదండ్రులు గౌరవిస్తూ వారికి మద్దతుగా ఉండాలని సూచించారు. స్కూల్ చీఫ్ ప్యాట్ర న్ మణికొండ వేద్కుమార్ మాట్లాడుతూ తల్లిదండ్రులు తమ పిల్లలను మలచడంలో మార్గదర్శకులుగా వ్యవహరించాలని అన్నారు. పిల్లలు వారి తల్లిదండ్రుల రక్షణ, మద్దతు, మార్గదర్శకత్వంలో ఎదగాలని అన్నారు.

స్కూల్ డైరెక్టర్ మణికొండ ప్రార్థన మాట్లాడుతూ వార్షిక దినోత్సవం సాంస్కృతికంగా అవగాహన, నమ్మకం, భవిష్యత్తుకు సిద్ధంగా ఉన్న అభ్యాసకులను పెంపొందించడంలో పాఠశాల యొక్క నిబద్ధతను ప్రతిబింబిస్తుందని అన్నారు. గౌరవ అతిథులుగా స్పెషల్ రిపోరట్స్ ఎడిటర్, సీనియర్ జర్నలిస్ట్ చిల్కూరి సుశీల్ రావు హాజరై ఆ ఆర్టిఫిషియల్ ఇంటెలిజెన్స్ యుగం గురించి మాట్లాడారు. 

ఫ్యూజన్ ఇంటర్నేషనల్ స్కూల్ మాజీ డైరెక్టర్ పద్మావతి తుంగతుర్తి మాట్లాడుతూ పాఠశాల యాజమాన్యం వారి దార్శనిక జ్ఞానం, వివేకాన్ని అభినందిస్తున్నానని చెప్పారు. విభావరి డ్యాన్స్ అకాడమీ వ్యవస్థాపకురాలు సముద్రాల మాధవి రామానుజం తన ప్రసంగంలో ఐఫెల్ టవర్ ఎత్తుగా ఉన్నట్లే, టవర్ లోగోను స్వీకరించిన ఆక్స్ఫర్డ్ గ్రామర్ స్కూల్ కూడా గొప్ప ఎత్తులకు ఎదగాలని ఆకాంక్షించారు.

భరతనాట్య నిపుణు రాలు గీతా గణేషన్ మాట్లాడుతూ సంవత్సరాలుగా విద్యార్థులను పోషించడంలో యాజ మాన్యం యొక్క నైపుణ్యాన్ని ప్రశంసించింది. రాడ్క్లిఫీ గ్రూప్ ఆఫ్ స్కూల్స్ ప్రిన్సిపాల్ మాధవి లక్ష్మి మాట్లాడుతూ సంతోషకరమైన తల్లిదండ్రుల గురించి, విద్యార్థుల ప్రవర్తన, విద్యపై దాని ప్రభావం గురించి మాట్లాడారు. 3 నుండి 9 తరగతుల విద్యార్థులు ప్రదర్శించిన సంస్కృతిక కార్యక్రమాలు ఆహుతులను అలరించాయి.