ప్రభుత్వం వివరణ.. ప్రతిపక్షం వాకౌట్

న్యూఢిల్లీ: న్యూఢిల్లీ: లైంగిక నేరస్థుడు జెఫ్రీ ఎప్స్టీన్‌తో తనను అనుసంధానిస్తున్నారని కాంగ్రెస్ నాయకుడు రాహుల్ గాంధీ చేసిన ఆరోపణలపై కేంద్ర మంత్రి హర్దీప్ సింగ్ పూరి బుధవారం స్పందించారు. ఇంటర్నేషనల్ పీస్ ఇన్స్టిట్యూట్ (ఐపిఐ)తో తన అనుబంధం సమయంలో తన సంభాషణలు వృత్తిపరమైన నిశ్చితార్థాలకే పరిమితం అని పేర్కొన్నారు. నిరాధార ఆరోపణలు చేసే అలవాటు రాహుల్ గాంధీకి ఉందని, రాజకీయ వ్యవస్థలో రెండు రకాల నాయకులు ఉంటారని ఆయన చెప్పారు. ఒకరకం నాయకులు రాజకీయాల్లోకి వచ్చాక బాధ్యతలు స్వీకరించి, తమ జీవితాలను ప్రజాసేవకు అంకితం చేసి దేశాన్ని మారుస్తారు.

వీళ్లు.. పదో అతిపెద్ద ఆర్థిక వ్యవస్థ నుంచి నాలుగో స్థానానికి తేగలరని, దేశాన్ని త్వరలో మూడు అతిపెద్ద ఆర్థిక వ్యవస్థగా మారుస్తారని కేంద్రమంత్రి పురి వ్యాఖ్యానించారు. అలాగే విదేశాల్లో తిరుగుతూ అప్పుడప్పుడూ దేశానికి వచ్చేవాళ్లు కూడా ఉన్నారని, ఆ నేతలు మాత్రం సభలో ప్రసంగాలు ఇచ్చి వెళ్లిపోతారని ఎద్దేవా చేశారు. వారు అడిగిన ప్రభుత్వం వివరణ ఇస్తుంటే మాత్రం వెంటనే వాకౌట్ చేస్తారని కేంద్రమంత్రి మండిపడారు.