పోలీస్ కంప్లైంట్ సిద్ధం

వరలక్ష్మి శరత్‌కుమార్, నవీన్ చంద్ర కలిసి ఓ భిన్నమైన కథతో ప్రేక్షకుల ముందుకు రాబోతున్నారు. డైరెక్టర్ సంజీవ్ మేగోటి తెరకెక్కించిన ఆ చిత్రమే ‘పోలీస్ కంప్లైంట్’. ఎంఎస్కే ప్రమిద శ్రీ ఫిలిమ్స్ బ్యానర్‌పై బాలకృష్ణ మహారాణా నిర్మిస్తున్న ఈ సినిమా మే 22న థియేటర్లలో విడుదల కాబోతోంది.

ఈ సినిమాలో మరో కీలక పాత్రలో నటించిన కృష్ణసాయి బర్త్‌డే సందర్భంగా తన అభిమాన నటుడు సూపర్ స్టార్ కృష్ణపై ఈ సినిమాలో చేసిన స్పెషల్ సాంగ్‌ను తాజాగా విడుదల చేశారు. ఇంకా చిత్రంలో రాగిణి ద్వివేది, ఆదిత్య ఓం, రవిశంకర్, శ్రీనివాస్ రెడ్డి, సప్తగిరి, శరత్ లోహితశ్వ, జెమినీ సురేశ్, దిల్ రమేశ్ కీలక పాత్రల్లో కనిపించనున్నారు. ఈ చిత్రానికి సంగీతం: ఆరోహణ సుధీంద్ర, సంజీవ్ మేగోటి, సుధాకర్ మారియో; సినిమాటోగ్రఫీ: ఎస్‌ఎన్ హరీశ్, సొండెకొప్ప; ఆర్ట్: కేవీ రమణ; ఎడిటింగ్: అనుగోజు రేణుకాబాబు.