లాల్​దర్వాజా బోనాల్లో విజయ్ దేవరకొండ సందడి

హైదరాబాద్: కట్టుదిట్టమైన భద్రతా ఏర్పాట్ల మధ్య ఆదివారం రెండు రోజుల పాటు జరిగే వార్షిక బోనాల ఉత్సవాలు ప్రారంభం కావడంతో హైదరాబాద్ పాతబస్తీ శోభాయమానంగా ముస్తాబైంది. లాల్ దర్వాజాలోని(Lal Darwaza Bonalu) శ్రీ సింహవాహిని మహంకాళి ఆలయం, అలాగే సుల్తాన్ షాహీ, హరి బౌలి, ఉప్పుగూడలోని ఆలయాల వద్ద మహంకాళి అమ్మవారిని దర్శించుకునేందుకు భక్తులు, బోనాలతో మహిళలు పెద్ద సంఖ్యలో బారులు తీరారు. 

చార్మినార్, షాహలీబండ వంటి చారిత్రక ప్రాంతాల గుండా సంప్రదాయ ఘటం ఊరేగింపులు సాగి, చివరగా మూసీ నది సమీపంలోని నయాపూల్ నిమజ్జన ప్రాంతానికి చేరుకోవడంతో ఈ ఉత్సవం సోమవారం, ఆగస్టు 10న ముగుస్తుంది. లాల్ దర్వాజా ఆలయం, చార్మినార్, గుల్జార్ హౌస్, అలీయాబాద్, నాగూల్‌చింత, గౌలిపుర, ఛత్రినాక, మొఘల్‌పుర, ఖిల్వత్, నయాపుల్, లాడ్ బజార్‌లకు వెళ్లే పలు ప్రధాన మార్గాల్లో ఉత్సవాల సమయంలో ట్రాఫిక్ మళ్లింపులు ఉంటాయి. బోనాల ఊరేగింపులు ముగిసే వరకు ఈ మళ్లింపులు అమలులో ఉంటాయి. 

లాల్ దర్వాజా బోనాల్లో విజయ్ దేవరకొండ సందడి

ఆషాఢ మాసం బోనాల సందర్భంగా పలువురు ప్రముఖులు అమ్మవారిని దర్శించుకున్నారు.  ప్రముఖ సినీ నటుడు హీరో విజయ్ దేవరకొండ(Vijay Deverakonda), దర్శకుడు సందీప్ రెడ్డి వంగా, హీరో ఆనంద్ దేవరకొండ హైదరాబాద్‌లోని చారిత్రక లాల్ దర్వాజా మహంకాళి అమ్మవారి ఆలయాన్ని సందర్శించి ప్రత్యేక పూజలు నిర్వహించారు. ఈ సందర్భంగా విజయ్ దేవరకొండ లాల్‌దర్వాజా బోనాల్లో సందడి చేశారు. అమ్మవారి ఆశీస్సులు తీసుకోవడంతో పాటు, భక్తిశ్రద్ధలతో కొబ్బరికాయలు సమర్పించారు. అనంతరం విజయ్‌ మాట్లాడుతూ.. ప్రజలందరికీ బోనాల పండుగ శుభాకాంక్షలు తెలిపారు.భద్రకాళి ప్రొడక్షన్ పేరు మీద పూజ చేయించినట్లు విజయ్ దేవరకొండ తెలిపారు.