ఆది సాయికుమార్ హీరోగా నటించిన చిత్రం ‘శంబాల: ఎ మిస్టికల్ వరల్డ్’.  యుగంధర్ ముని దర్శకత్వంలో షైనింగ్ పిక్చర్స్ బ్యానర్‌పై రాజశేఖర్ అన్నభిమోజు, మహీధర్‌రెడ్డి నిర్మిస్తు న్నారు. ఇప్పటికే ఈ సినిమా నుంచి విడుదలైన కంటెంట్ అందరిలోనూ బజ్ క్రియేట్ చేసింది. మరింత హైప్‌ను పెంచేలా రెబల్ స్టార్ ప్రభాస్ ఈ మూవీ ట్రైలర్‌ను ఆవిష్కరించారు. ఇందులో ఆది సాయికుమార్‌ను విక్రమ్‌గా పరిచయం చేశారు.

ఆయన యాక్షన్, అప్పియరెన్స్ మరింత పవర్‌ఫుల్‌గా కనిపిస్తున్నాయి. ‘కొన్ని వేల సంవత్సరాల క్రితం పరమశివుడికి, అసురుడికి మధ్య జరిగిన ఓ భీకర యుద్ధం.. ఈ కథకి మూలం’ అంటూ సాయికుమార్ వాయిస్ ఓవర్‌తో ట్రైలర్ ఆరంభమైందీ ట్రైలర్. ‘వాళ్లేమో చీమ కుట్టినా శివుడి ఆజ్ఞ అని నమ్ముతారు.. విక్రమ్ ఏమో చావులో సైతం సైన్స్ ఉందనే రకం’.. ‘మీరు చెబుతున్న శాస్త్రం మితం..

మీరు తెలుసుకోవాల్సిన మా శాస్త్రం అనంతం’ అనే డైలాగ్స్, విజువల్స్, బీజీఎం, యాక్షన్ సీక్వెన్స్ ఆకట్టుకుంటున్నాయి. ఇక ఈ ట్రైలర్‌లో అర్చన అయ్యర్, స్వశిక, రవివర్మ, మధునందన్, శివ కార్తీక్ పోషించిన ఇతర కీలక పాత్రలను కూడా పరిచయం చేశారు. క్రిస్మస్ సందర్భంగా డిసెంబర్ 25న ప్రేక్షకుల ముందుకు రానున్న ఈ చిత్రానికి డీవోపీ: ప్రవీణ్ కే బంగారి; సంగీతం: శ్రీచరణ్ పాకాల.