తారక్ నటన అమోఘం: కోహ్లీ

న్యూఢిల్లీ: టాలీవుడ్ స్టార్ హీరో జూనియర్ ఎన్టీఆర్‌పై టీమిండియా స్టార్ విరాట్ కోహ్లీ ప్రసంశల జల్లు కురిపించాడు. తారక్ నటన అమోఘమని కోహ్లీ పేర్కొన్నాడు. ఇటీవలే ఒక ఇంటర్యూలో కోహ్లీ మాట్లాడుతూ.. ‘ఆర్‌ఆర్‌ఆర్ సినిమాలో తారక్ నటనకు ఫిదా అయ్యా. ముఖ్యంగా నాటు నాటు పాటకు ఎన్టీఆర్ వేసిన డ్యాన్స్ స్టెప్పులు నన్ను ఎంతో అలరించాయి. ఆ పాటకు ఆస్కార్ అవార్డు వచ్చిందని తెలియగానే మైదానంలోనే డ్యాన్స్ చేశా. ఇద్దరం కలిసి ఒక యాడ్‌లో నటించాం. మొదటి పరిచయంలోనే నాకు బెస్ట్ ఫ్రెండ్‌గా మారిపోయాడు. అతనితో కలిసి నటించడానికి సిద్ధంగా ఉన్నా.’ అని తెలిపాడు.