పెద్దపల్లి ఎమ్మెల్యే విజయరమణ రావు

సుల్తానాబాద్, డిసెంబర్ 12 (విజయ క్రాంతి):గ్రామ పంచాయతీ ఎన్నికలలో భాగంగా శుక్రవారం పెద్దపల్లి జిల్లా సుల్తానాబాద్ మండలం ఐతరాజుపల్లి, భూపతిపూర్, నరసయ్యపల్లి, బొంతకుంటపల్లి, కందునూరుపల్లి, నారాయణపూర్, చిన్న బొంకూర్ గ్రామాలలో కాంగ్రెస్ పార్టీ బలపరిచిన సర్పంచ్ అభ్యర్థులకు మద్దతుగా ప్రచారం నిర్వహిస్తూ సర్పంచ్ అభ్యర్థుల బ్యాలెట్ నమూనాలతో ఇంటింటికి తిరుగుతూ ఓటు వేయాలని ఓటర్లను పెద్దపల్లి శాసనసభ్యులు చింతకుంట విజయరమణా రావు ఓట్లు అభ్యర్థించారు...

ముందుగా ఐతరాజుపల్లి గ్రామంలోని రామాలయంలో స్థానిక నాయకులతో కలిసి ఎమ్మెల్యే విజయరమణ రావు ప్రత్యేక పూజలు చేశారు...అనంతరం విజయరమణ రావు మాట్లాడుతూ...గ్రామాల అభివృద్ధి కోసం, ప్రజల సంక్షేమం కోసం కాంగ్రెస్ ప్రభుత్వం, ముఖ్యమంత్రి రేవంత్ రెడ్డి పాటుపడుతున్నారని చెప్పారు. కాంగ్రెస్ పార్టీ బలపరిచే అభ్యర్థులను గెలిపిస్తే ప్రజలకు మరింత మేలు జరుగుతుందన్నారు.ఈ కార్యక్రమంలో వ్యవసాయ మార్కెట్ చైర్మన్ మినుపాల ప్రకాష్ రావు , పడాల అజయ్ గౌడ్, పన్నాల రాములు, తిరుపతి, కాంగ్రెస్ పార్టీ నాయకులు, కార్యకర్తలు, మహిళలు, గ్రామాల ప్రజలు పెద్ద ఎత్తున పాల్గొన్నారు.