ప్రారంభించాలని కేంద్ర మంత్రి కిషన్‌రెడ్డికి బీజేపీ వరంగల్ జిల్లా అధ్యక్షుడు గంట రవికుమార్ వినతి

హైదరాబాద్, నవంబర్ 29 (విజయక్రాంతి): కేంద్ర మంత్రి కిషన్‌రెడ్డి శనివారం వరంగల్ జిల్లా పర్యటనకు వచ్చిన సందర్భంగా.. వరంగల్ బీజేపీ జిల్లా అధ్యక్షుడు గంట రవికుమార్ మర్యాదపూర్వకంగా కలిసి ఇటీవల కురిసిన భారీ వర్షాల కారణంగా రైల్వే ట్రాక్‌ల పైకి చేరుకున్న భారీ నీటి గురించి, శిథిలావస్థకు చేరిన జీఆర్‌పీ పోలీస్ స్టేషన్ మరమత్తుల గురించి వివరించారు. అలాగే పుష్-పుల్ రైలును వరంగల్ నుంచి హైదరాబాద్ వరకు నడపాలని కోరుతూ వినతిపత్రం అందజేశారు.

వరంగల్ నుంచి నిత్యం వేలాది మంది ప్రయాణికులు,- విద్యార్థులు, ఉద్యోగులు, రోజువారీ కూలీలు, కార్మికులు వారి ప్రయాణ అవసరాల కోసం రైలు సేవలపై ఆధారపడుతున్నారని పేర్కొన్నారు. ప్రస్తుతం వరంగల్ నుండి హైదరా బాద్ మార్గంలో నడిచే చాలా ఎక్స్ప్రెస్‌లు, ప్యాసింజర్ రైళ్లలో సాధారణ కంపార్ట్మెంట్లు కిక్కిరిసి ఉండటంతో ప్రయాణికులు తీవ్ర ఇబ్బందులు ఎదుర్కొంటారని తెలిపారు.

చాలా మంది ప్రయాణికులు రిజర్వ్ చేసిన టిక్కెట్లను కొనుగోలు చేయడం లేదా ఆర్టీసీ బస్సులపై ఆధారపడడంతో ముఖ్యంగా  బలహీన వర్గాల ఆర్థికంగా తీవ్ర ఇబ్బందులు ఎదుర్కొంటున్నారని తెలియజేశారు. పుష్-పుల్ లోకల్ రైలు సర్వీసును తక్షణమే ప్రారంభించడంతో పాటు ప్రయాణికుల సౌకర్యం కొరకు బోగీల సంఖ్యను పెంచాలని అభ్యర్థించారు.