ప్రభుత్వాన్నిఏర్పాటు చేయబోం

న్యూఢిల్లీ, జూన్ 5: కేంద్రంలో ప్రభుత్వం ఏర్పాటు చేసేందుకు తాము ఎలాంటి ప్రయత్నాలు చేయబోమని ఇండియా కూటమి నేతలు ముక్త కంఠంతో స్పష్టం చేశారు. ఇండియా కూటమి నేతలు ప్రతిపక్షంలో కూర్చుంటామని తెలిపారు. బుధవారం ఢిల్లీలోని ఏఐసీసీ అధ్యక్షుడు మల్లి కార్జున ఖర్గే నివాసంలో ఇండియా కూటమి నేతలు కీలక భేటీ అయ్యారు. భవిష్యత్తు కార్యాచరణపై కూటమి నేతలు ఈ సందర్భంగా చర్చించా రు. ఇండియా కూటమికి అపూర్వ మద్దతు ఇచ్చిన దేశ ప్రజలకు ఎంతో కృతజ్ఞతతో ఉంటామని తెలిపారు. విద్వేషపూరిత రాజకీయాలు చేసే అవినీతి బీజేపీకి దేశ ప్రజలు తగిన బుద్ధి చెప్పారని మల్లికార్జున ఖర్గే దుయ్యబట్టారు. 

ఇండియా కూటమిలోకి ఇతర పార్టీలను కూడా ఆహ్వానిస్తున్నామని మల్లికార్జున ఖర్గే వెల్లడించారు. భాతర రాజ్యాంగ పీఠికపై విశ్వాసం, దేశ ఆర్థిక, సామాజిక, రాజకీయ న్యాయం వంటి లక్ష్యాలకు కట్టుబడి ఉన్న రాజకీయ పార్టీలన్నింటినీ ఇండియా కూటమిలో చేరొచ్చని పేర్కొన్నారు. సార్వత్రిక ఎన్నికల్లో ఇండియా కూటమి నేతలు కలిసికట్టుగా సమన్వయంతో బాగా పోరాడాయ ని ప్రశంసించారు. సమావేశానికి కాంగ్రెస్ నేతలు సోనియాగాంధీ, రాహుల్ గాంధీ, ప్రియాంక, ఎన్సీపీ (ఎస్‌పీ) నుంచి శరద్ పవార్, డీఎంకే నుంచి స్టాలిన్, సీపీఎం నుంచి సీతారాం ఏచూరి, ఎస్పీ నుంచి అఖిలేశ్ యాదవ్, ఆర్జేడీ నుంచి తేజస్వీ యాదవ్, టీఎంసీ నుంచి అభిషేక్ బెనర్జీ, సంజయ్ రౌత్ తదితరులు హాజరయ్యారు.