ఎస్సీ, ఎస్టీ, బీసీలపై దాడులను సహించం

ఎస్సీ, ఎస్టీ కమిషన్ చైర్మన్ బక్కి వెంకటయ్య

నాగర్‌కర్నూల్, ఫిబ్రవరి 25 (విజయక్రాం తి): బీసీ, ఎస్సీ, ఎస్టీలపై దాడులను సహించబోమని ఎస్సీ, ఎస్టీ కమిషన్ చైర్మన్ బక్కి వెంకటయ్య అన్నారు. కుమ్మెర ఘటన బాధితులను బుధవారం ఆయన పరామర్శించా రు. కలెక్టర్ బాదావత్ సంతోష్, ఎస్పీ డాక్టర్ సంగ్రామ్ సింగ్ జీ పాటిల్‌తో సమావేశమై కేసు నమోదు ప్రక్రియ, నిందితులపై తీసుకుంటున్న చర్యల గురించి తెలుసుకున్నారు.

ఈ సందర్భంగా ఆయన మాట్లాడుతూ.. ఎస్సీ ఎస్టీ అట్రాసిటీ చట్టాన్ని కట్టుదిట్టంగా అమలు చేయాలని అధికారులకు ఆదేశాలు జారీ చేసినట్లు తెలిపారు. బాధితులకు తక్షణ న్యాయం అందించడమే ప్రభుత్వ ప్రాధాన్యత అని, కేసు దర్యాప్తును వేగవంతం చేయాలనీ ఆదేశించా రు. సీఎం రేవంత్ రెడ్డి, జిల్లా ఇన్చార్జి మంత్రి దామోదర్ రాజనర్సింహతో మాట్లాడినట్లు తెలిపారు.

కేసును వేగంగా పరిష్కరించే దిశగా ఫాస్ట్ ట్రాక్ కోర్టు ఏర్పాటు చేయడానికి కృషి చేస్తామన్నారు. బాధితులకు తక్షణ ఖర్చుల నిమిత్తం గణేష్, మౌనికలకు రూ.లక్ష చెక్కును అందజేశారు. బాధిత కుటుంబానికి నాగర్ కర్నూల్‌లో డబుల్ బెడ్‌రూమ్ ఇల్లు కల్పించాలని, గణేష్‌కు ప్రభుత్వ ఉద్యోగం ఇవ్వాలని కలెక్టర్‌కు సూచించారు.