మఠంపల్లిలో ఇందిరమ్మ జీవిత బీమా పథకం ప్రారంభం
మఠంపల్లి, నవంబర్ 20 (విజయక్రాంతి): పేద కుటుంబాలకు ఆర్థిక భరోసా కల్పించడంతో పాటు ఆపద సమయంలో అండగా నిలిచేందుకు ప్రభుత్వం అమలు చేస్తున్న ఇందిరమ్మ జీవిత బీమా పథకాన్ని (Indiramma Life Insurance Scheme) మఠంపల్లి మండలంలోని కొత్త దొనబండ తండా గ్రామ పంచాయతీలో తహశీల్దార్ హిమబిందు, సర్పంచ్ బానోతు అరుణా దేశ్ పాండు నాయక్ ప్రారంభించారు (Scheme Launch).
ఈ సందర్భంగా వారు మాట్లాడుతూ.. అర్హులైన కుటుంబాలకు ఆర్థిక భద్రత కల్పించడమే ఈ పథకం (Financial Security) ప్రధాన ఉద్దేశమని తెలిపారు. ప్రజలు పథకంపై అవగాహన పెంచుకోవాలని, ప్రభుత్వ మార్గదర్శకాల ప్రకారం అర్హులైన ప్రతి ఒక్కరూ నమోదు చేసుకోవాలని సూచించారు.గ్రామీణ ప్రాంతాల్లోని పేద, మధ్యతరగతి కుటుంబాలకు ఈ బీమా ఎంతో ఉపయోగకరమని వివరించారు. తెల్ల రేషన్ కార్డు కలిగి, 18 నుంచి 59 ఏళ్ల మధ్య వయసున్న వారు అర్హులని తెలిపారు. కుటుంబ పెద్దకు అనుకోని ఆపద ఎదురైతే ఆ కుటుంబానికి రూ.5 లక్షల ఆర్థిక సాయం అందుతుందని వెల్లడించారు.
ఈ కార్యక్రమంలో ఆర్ఐ శివ, కార్యదర్శి నరేష్, జీపీఓ మల్లయ్య, ఉపసర్పంచ్ ధరావత్ నితిన్ నాయక్, వార్డు సభ్యులు నాగేశ్వరరావు, యలమంద, పార్వతి, బాలు, హనుమా, గ్రామ పంచాయతీ సిబ్బంది, గ్రామస్తులు పాల్గొన్నారు.