పండుగ వాతావరణంలో చేయూత నూతన పింఛన్ల పంపిణీ
హాజరైన ఎమ్మెల్యే పద్మావతి రెడ్డి
కోదాడ, నవంబర్ 13:(విజయక్రాంతి) : రాష్ట్ర ప్రభుత్వం నూతనంగా మంజూరు చేసిన చేయూత పింఛన్లను('Cheyutha' pensions) కోదాడ నియోజకవర్గ(Kodad constituency) పరిధిలోని అర్హులైన లబ్ధిదారులకు కోదాడ ఎమ్మెల్యే నలమాద పద్మావతి రెడ్డి(Kodad MLA Nalamada Padmavathi Reddy) పంపిణీ చేశారు. శుక్రవారం కోదాడ పట్టణంలోని ఆర్‌ఎస్‌వీ ఫంక్షన్ హాల్‌లో నిర్వహించిన కార్యక్రమంలో నియోజకవర్గంలోని ఆరు మండలాలు, కోదాడ పట్టణ పరిధికి చెందిన నూతన పింఛన్ లబ్ధిదారులకు ఎమ్మెల్యే స్వయంగా పింఛన్లను అందజేశారు. ఈ సందర్భంగా పండుగ వాతావరణం నెలకొన్నది.
ఎమ్మెల్యే పద్మావతి రెడ్డి మాట్లాడుతూ ప్రభుత్వం అర్హులైన ప్రతి ఒక్కరికీ సామాజిక భద్రత కల్పించాలనే లక్ష్యంతో చేయూత పింఛన్లను అందిస్తోందని తెలిపారు. వృద్ధులు, వితంతువులు, దివ్యాంగులు, ఒంటరి మహిళలు, గీత కార్మికులు తదితర వర్గాలకు పింఛన్లు ఆర్థిక భరోసాగా నిలుస్తాయని పేర్కొన్నారు. కోదాడ నియోజకవర్గంలో ఇప్పటికే 37,120 మంది లబ్ధిదారులు ప్రతి నెలా పింఛన్లు పొందుతుండగా, సెప్టెంబర్ 2026 నుంచి కొత్తగా మరో 4,674 మందికి పింఛన్లు మంజూరయ్యాయని తెలిపారు.
కొత్తగా మంజూరైన పింఛన్లతో మరింత మంది అర్హులకు ప్రభుత్వ సంక్షేమ పథకాల ద్వారా లబ్ధి చేకూరనుందని పేర్కొన్నారు. ఈ కార్యక్రమంలో మున్సిపల్ చైర్మన్ ఎర్నేని కుసుమ బాబు, వైస్ చైర్మన్ మల్లేశ్వరి, కమిషనర్ రమాదేవి, కౌన్సిలర్లు కందుల కోటేశ్వరరావు, ఆర్డీఓ సూర్యనారాయణ, తహశీల్దార్లు కిరణ్, అధికారులు, ప్రజాప్రతినిధులు, నాయకులు తదితరులు పాల్గొన్నారు.
