ప్రముఖ నటి అరెస్ట్.. చికిత్స పేరుతో ఫ్లాట్‌కు పిలిచి..!

డాక్టర్‌కు ఫోన్ చేసి ఫ్లాట్‌కు పిలుపు.. వెళ్లాక షాకింగ్ సీన్!

కొచ్చి: కేరళలోని కొచ్చిలో సంచలన ఘటన వెలుగులోకి వచ్చింది. అనారోగ్యంతో ఉన్న బంధువుకు వైద్యం చేయాలంటూ ఓ డాక్టర్‌ను ఫ్లాట్‌కు పిలిచి దాడి చేశారన్న ఆరోపణలపై సినీ నటి అతుల్య చంద్ర(Actress Athulya Chandra ) సహా ముగ్గురిని పోలీసులు అరెస్ట్ చేశారు. ఈ ఘటనలో సుమారు రూ.3.25 లక్షల విలువైన వస్తువులు మాయమైనట్లు బాధితుడు ఫిర్యాదు చేశాడు.

ఫ్లాట్‌కు పిలిచి.. దాడి చేశారంటూ ఫిర్యాదు

పోలీసుల వివరాల ప్రకారం.. నవంబర్ 2న కొచ్చిలోని విట్టిల ప్రాంతంలో ఉన్న ఎస్సెన్ స్ప్రింగ్‌డేల్ అపార్ట్‌మెంట్స్‌కు 41 ఏళ్ల వైద్యుడిని పిలిచారు. నిందితుల్లో ఒకరి అత్త అనారోగ్యంతో ఉందని చెప్పడంతో ఆయన అక్కడికి వెళ్లారు. అయితే ఫ్లాట్‌లోకి వెళ్లిన తర్వాత పరిస్థితి మారిపోయిందని డాక్టర్ తన Complaint‌లో పేర్కొన్నారు. అక్కడ నటి సహా సుమారు 12 మంది ఉన్నారని, వారంతా తనపై పలుమార్లు దాడి చేశారని ఆరోపించారు.

అత్యాచారం ఆరోపణలు చేస్తూ బెదిరింపులు?

తనకు డ్రగ్స్ ఇచ్చి, నిందితుల్లో ఒకరి అత్తపై అత్యాచారం చేశావంటూ వారు ఆరోపించారని డాక్టర్ FIRలో పేర్కొన్నారు. ఈ క్రమంలో తనపై తీవ్రంగా దాడి చేశారని, నటి దుర్భాషలాడటంతో పాటు చంపేస్తానని బెదిరించినట్లు ఫిర్యాదులో ఆరోపించారు. అంతేకాకుండా తన రెండు మొబైల్ ఫోన్లు, Smartwatch, Earbuds‌ను తీసుకెళ్లారని, వాటి విలువ సుమారు రూ.3.25 లక్షలు ఉంటుందని తెలిపారు.

పలు సెక్షన్ల కింద కేసు నమోదు

బాధితుడి ఫిర్యాదు ఆధారంగా నవంబర్ 4న పోలీసులు Bharatiya Nyaya Sanhita (BNS)లోని 127, 115, 296, 351, 310 సెక్షన్ల కింద FIR నమోదు చేశారు. Wrongful Confinement, దాడి, బెదిరింపులు, దోపిడీకి సంబంధించిన ఆరోపణలపై దర్యాప్తు ప్రారంభించారు. ఈ కేసులో నటి అతుల్య చంద్రతో పాటు మరో ఇద్దరిని గురువారం అరెస్ట్ చేసినట్లు పోలీసులు వెల్లడించారు.

పలు భాషల్లో సినిమాలు చేసిన నటి

అతుల్య చంద్ర దక్షిణాది చిత్ర పరిశ్రమలో పలు భాషల్లో సినిమాలు చేశారు. ఆమె నటించిన చిత్రాల్లో 'ఉయిర్' (2026), 'డైస్ ఇరే' (2025), 'మత్తు వదలరా' (2019), 'మత్తు వదలరా 2' (2024) ఉన్నాయి. అయితే ఈ ఘటనకు సంబంధించి డాక్టర్ చేసిన ఆరోపణలు ప్రస్తుతం పోలీసుల దర్యాప్తులో ఉన్నాయి. కేసు విచారణలో మరిన్ని వివరాలు వెలుగులోకి రావాల్సి ఉంది.