JNTUలో విషాదం
హాస్టల్ భవనం నుంచి దూకి విద్యార్థిని మృతి!
కూకట్పల్లి: హైదరాబాద్లోని కూకట్పల్లి పరిధిలో ఉన్న జేఎన్టీయూ (JNTU) క్యాంపస్లో విషాద ఘటన చోటుచేసుకుంది. యూనివర్సిటీ హాస్టల్ భవనం పైనుంచి దూకి 19 ఏళ్ల బీటెక్ విద్యార్థిని ప్రాణాలు కోల్పోయింది. ఈ ఘటనతో క్యాంపస్లో విషాద ఛాయలు అలముకున్నాయి. విద్యార్థులు, సిబ్బంది తీవ్ర దిగ్భ్రాంతికి గురయ్యారు. మృతురాలు JNTUలో మెకానికల్ ఇంజినీరింగ్ ద్వితీయ సంవత్సరం చదువుతున్నట్లు పోలీసులు గుర్తించారు. ఘటనకు సంబంధించిన సమాచారం అందుకున్న పోలీసులు వెంటనే అక్కడికి చేరుకుని వివరాలు సేకరించారు. ఈ ఘటనపై కేసు నమోదు చేసి దర్యాప్తు ప్రారంభించారు. విద్యార్థిని మృతికి గల కారణాలు ఇంకా తెలియాల్సి ఉంది. ఘటనకు దారితీసిన పరిస్థితులపై పోలీసులు అన్ని కోణాల్లో విచారణ చేపడుతున్నారు.