బోర్లం ఎల్లమ్మ కాలనీలో అభివృద్ధి పనులకు శ్రీకారం
బాన్సువాడ, నవంబర్ 22 (విజయక్రాంతి): కామారెడ్డి జిల్లా బాన్సువాడ మండలం బోర్లం గ్రామంలోని డబుల్ బెడ్రూమ్ రేణుక ఎల్లమ్మ కాలనీలో సీసీ రోడ్లు, డ్రైనేజీ (Drainage) నిర్మాణ పనులను సర్పంచ్ మన్నె రమేష్ ఆదివారం ప్రారంభించారు. ఎస్సీ సబ్ప్లాన్ (SC Sub Plan) నిధుల కింద మంజూరైన రూ.70 లక్షలతో చేపడుతున్న ఈ పనులకు గ్రామ నాయకులతో కలిసి శ్రీకారం చుట్టారు.
ఈ సందర్భంగా సర్పంచ్ మాట్లాడుతూ.. కాంట్రాక్టర్ కోనాపూర్ గంగాధర్ నిర్మాణ పనుల్లో నాణ్యతా ప్రమాణాలు (Quality Standards) పాటించాలని, నిర్ణీత గడువులోగా పనులు పూర్తి చేయాలని సూచించారు. కాలనీలో నెలకొన్న రహదారులు, డ్రైనేజీ సమస్యలకు పరిష్కారం లభించనుండటంతో స్థానికులు హర్షం వ్యక్తం చేశారు. నిధుల మంజూరుకు చొరవ చూపిన ఎమ్మెల్యే పోచారం శ్రీనివాస్రెడ్డికి కాలనీవాసులు కృతజ్ఞతలు తెలిపారు.
ఈ కార్యక్రమంలో ఉప సర్పంచ్ సుంగురు పెద్ద బస్వయ్య, ఏఎంసీ మాజీ చైర్మన్ ఎన్. నర్సింలు, ఆత్మ కమిటీ డైరెక్టర్ గోపన్పల్లి సాయిలు, కాంగ్రెస్ పార్టీ అధ్యక్షుడు సతీష్ గౌడ్, వార్డు సభ్యుడు కమ్మరి గంగారాంతో పాటు గ్రామ, కాలనీ పెద్దలు పాల్గొన్నారు.