మాజీ ఎమ్మెల్యే పట్నం నరేందర్ రెడ్డి అరెస్ట్

కొడంగల్ మాజీ ఎమ్మెల్యే, బీఆర్ఎస్ నేత పట్నం నరేందర్ రెడ్డిని పోలీసులు అరెస్ట్ చేశారు. కోస్గిలో మృతి చెందిన కార్యకర్తల అంత్యక్రియలకు (Funeral Ceremony) హాజరయ్యేందుకు వెళ్తున్న ఆయనను పరిగి సమీపంలో పోలీసులు అడ్డుకున్నారు. ఈ క్రమంలో పోలీసులకు, పట్నం నరేందర్ రెడ్డికి మధ్య కొంతసేపు ఉద్రిక్త పరిస్థితులు నెలకొన్నాయి. ముఖ్యమంత్రి రేవంత్ రెడ్డి (CM Revanth Reddy) పర్యటన నేపథ్యంలో ముందస్తు చర్యల్లో భాగంగా ఆయనను అదుపులోకి తీసుకుంటున్నట్లు పోలీసులు వెల్లడించారు.

అనంతరం పట్నం నరేందర్ రెడ్డిని అదుపులోకి తీసుకుని అరెస్ట్ చేశారు. కోస్గిలో మృతి చెందిన కార్యకర్తల అంత్యక్రియలకు వెళ్లకుండా పోలీసులు అడ్డుకోవడం రాజకీయంగా చర్చనీయాంశంగా మారింది. ఈ పరిణామం (Political Developments) స్థానికంగా తీవ్ర ఆసక్తిని రేకెత్తిస్తోంది.