పంట వ్యర్థాలను కాల్చొద్దు

పశువుల మేతగా వినియోగించండి 

ఎనిమిది నెలల పాటు పశువులకు మేత కొరత రాకుండా జాగ్రత్త పడండి 

మిడ్జిల్: మిడ్జిల్ మండల(Midjil Mandal) రైతులు వరి గడ్డి, జొన్న చొప్ప, మొక్కజొన్న చొప్పలను కాల్చకుండా కట్టలుగా కట్టి భద్రపరచుకోవాలని మండల పశువైద్యాధికారి సూచించారు. రానున్న ఎనిమిది నెలల పాటు వీటిని పాడి పశువులకు మేతగా వినియోగించుకోవాలని విజ్ఞప్తి చేశారు. ఎల్‌నినో ప్రభావం(El Nino effect)తో ఏర్పడే వాతావరణ మార్పులు, కరువు పరిస్థితుల కారణంగా పశువులకు మేత కొరత ఏర్పడే అవకాశం ఉందని పేర్కొన్నారు.

ముందస్తు జాగ్రత్తగా పంట కోతల అనంతరం లభించే గడ్డి, చొప్పను వృథా చేయకుండా నిల్వ చేసుకోవాలని సూచించారు. పంట అవశేషాలను కాల్చడం వల్ల పర్యావరణానికి నష్టం కలగడమే కాకుండా పశువులకు ఉపయోగపడే విలువైన మేతను కోల్పోతామని తెలిపారు. రైతులందరూ ఈ సూచనలను పాటించి పాడి పశువులను మేత కొరత నుంచి కాపాడుకోవాలని మండల పశువైద్యాధికారి, మిడ్జిల్, మహబూబ్‌నగర్ జిల్లా కోరారు.