పండుగలా పూర్వ విద్యార్థుల సమ్మేళనం

కోదాడ, మార్చి 1 : పట్టణంలోని గరల్స్ హై స్కూల్ 1981-82 పదవ తరగతి పూర్వ విద్యార్థులు దశాబ్దాల అనంతరం ఆదివారం పండుగ వాతావరణంలో ఆత్మీయంగా కలుసుకున్నారు. పట్టణంలోని ఎన్ ఆర్ ఫంక్షన్ హాల్లో జరిగిన ఈ సమావేశంలో పూర్వ విద్యార్థులు పరస్పరం ఆత్మీయంగా పలకరించుకొని పాత జ్ఞాపకాలను గుర్తు చేసుకున్నారు. నాలుగు దశాబ్దాల తర్వాత ఒకే వేదికపై కలుసుకోవడం ఎంతో ఆనందాన్ని కలిగించిందని వారు తెలిపారు.

కార్యక్రమంలో పాటలు, ఆటలు, సరదా సంభాషణలతో ఉత్సాహంగా గడిపారు. అనంతరం తాము విద్యాభ్యాసం చేసిన పాఠశాలను సందర్శించి, తరగతి గదులు, ప్రాంగణం చూసి ఆనాటి మధుర జ్ఞాపకాలను నెమరువేసుకున్నారు.  సూర్యాపేట గ్రంథాలయం చైర్మన్ వంగవీటి రామారావు  ఉమ్మడి నల్లగొండ జిల్లా గ్రంథాలయ కార్యదర్శి బాలమ్మ పాల్గొన్నారు.