అన్ని వయసులవారిని ఆకట్టుకునేలా లవ్ థీమ్ సాంగ్స్

ప్రేమ, విరహం వంటి సున్నితమైన అంశాలతో యువతరాన్ని లక్ష్యంగా చేసుకొని రూపొందింది ‘నీవే నా తొలి ప్రేమ’ మ్యూజికల్ ఆల్బమ్. ఇందులో హరీశ్ దాచేపల్లి, సాయి నీరజ ప్రధాన పాత్రల్లో నటించారు. జగదీశ్ కీలక పాత్ర పోషించారు. ఈ ఆల్బమ్‌కు ప్రముఖ సినీ దర్శకుడు తాజుద్దీన్ దర్శకత్వం వహించడంతోపాటు, గీత సాహిత్యాన్ని కూడా అందించారు. సమర సింహ సినిమాటోగ్రఫీ అందించగా ఎడిటింగ్, డీఐగా బాధ్యతలను జగదీశ్‌కుమార్ నిర్వర్తించారు.

ప్రశాంత్ ఆర్ట్ డైరెక్టర్‌గా పనిచేశారు. నరేశ్, సందీప్ ఇతర సాంకేతిక సహకారం అందించారు. ‘లవ్ అండ్ బ్రేకప్’ అనే థీమ్‌తో రూపొందించిన ఈ థీమ్ సాంగ్స్ ఆల్బమ్ తెలుగు వెర్షన్‌ను ప్రముఖ డైరెక్టర్, తెలుగు సినిమా డైరెక్టర్స్ అసోసియేషన్ ప్రెసిడెంట్ వీరశంకర్, ప్రముఖ సినీ సంగీత దర్శకుడు భోలే షావలి వేర్వేరుగా ఆవిష్కరించారు. త్వరలోనే ఈ పాటలు అన్ని డిజిటల్ మ్యూజిక్ ప్లాట్‌ఫామ్‌లలో అందుబాటులోకి రానున్నాయని వెన్ ల్యాక్స్ ప్రొడక్షన్స్ అధినేత దాచేపల్లి హరీశ్ వెల్లడించారు.