ఉపాధ్యాయ వృత్తికే  మచ్చ 

విద్యార్థిని లైంగికంగా మానసికంగా వేధిస్తున్న ఓ ఉపాధ్యాయుడు

నకిరేకల్ (విజయక్రాంతి): విద్యాబుద్ధులు నేర్పించాల్సిన బాధ్యతను విస్మరించి, ఓ ఉపాధ్యాయుడు తమ కామ ప్రవృత్తితో విద్యార్థిని లైంగికంగా మానసికంగా వేధింపులకు గురైన ఘటన నకిరేకల్ పట్టణంలో చోటుచేసుకుంది. శనివారం ఆ విద్యార్థి తల్లిదండ్రులు స్థానిక పోలీస్ స్టేషన్లో ఆ ఉపాధ్యాయుడు మామిడి శ్రీనివాస్ పై ఫిర్యాదు చేశారు. వివరాల్లోకి వెళ్ళితే నకిరేకల్ పట్టణంలోని తిప్పర్తి రోడ్ లోని జిల్లా పరిషత్ ఉన్నత పాఠశాలలో గత కొంతకాలంగా ఇంగ్లీష్ టీచర్ గా మామిడి శ్రీనివాస్ పనిచేస్తున్నాడు. అదే పాఠశాలలో పదో తరగతి చదువుతున్న ఓ విద్యార్థిని పట్ల గత కొంతకాలంగా అసభ్యంగా ప్రవర్తిస్తూ లైంగికంగా, మానసికంగా వేధింపుల గురి చేస్తున్నాడని శుక్రవారం ఆ విద్యార్థిని తల్లిదండ్రులకు తెలియజేసింది.

దీంతో ఆ విద్యార్థిని తల్లిదండ్రులు. మామిడి శ్రీనివాస్ ఉపాధ్యాయుడిపై విద్యార్థిని తల్లిదండ్రులు ఆగ్రహం వ్యక్తం చేశారు. గౌరవమైన వృత్తిలో ఉంటూ  విద్యార్థినిపట్ల అసభ్యంగా ప్రవర్తించిన ఉపాధ్యాయుడిపై కఠిన చర్యలు తీసుకోవాలని డిమాండ్ చేస్తుశారు. ఉపాధ్యాయ వృత్తికి మచ్చ తెచ్చిన ఇంగ్లీష్ ఉపాధ్యాయుడిపై చర్యలు తీసుకోవాలని  పలు ప్రజాసంఘాలు, విద్యార్థి సంఘాలు డిమాండ్ చేశారు. విద్యాశాఖ అధికారులు స్పందించి ఉపాధ్యాయుడిని విధుల నుండి సస్పెండ్ చేయాలని డిమాండ్ చేశారు. భవిష్యత్తులో ఇలాంటి ఘటనలు పునరువృతం కాకుండా తగిన జాగ్రత్తలు తీసుకోవాలని పలువురు కోరుతున్నారు.