ఉజ్వల భవిష్యత్తుకు తొలిమెట్టు అంగన్వాడి కేంద్రాలు

* పండగల ప్రారంభమైన అంగన్వాడీ కేంద్రాలు

గరిడేపల్లి,(విజయక్రాంతి): విద్యార్థుల ఉజ్వల భవిష్యత్తుకు తొలి పునాది అంగన్వాడి కేంద్రాలని అంగన్వాడి టీచర్ పోకల వెంకమ్మ అన్నారు. మండలంలోని గానుగుబండ గ్రామంలో అంగన్వాడి కేంద్రాన్ని సోమవారం ఉత్సవ పూరిత వాతావరణంలో మామిడి తోరణాల మధ్య పండగ వాతావరణంలో ఆమె ప్రారంభించారు. ఈ సందర్భంగా ఆమె మాట్లాడుతూ... అంగన్వాడి కేంద్రాలు పిల్లల ఎదుగుదలకు తొలిమెట్టని అంగన్వాడి కేంద్రంలో పిల్లలకు చదువుతోపాటు ఆట, పాటలు, వారి ఆరోగ్యానికి కావాల్సిన పౌష్టిక ఆహారాన్ని అందిస్తూ వారి ఆరోగ్యానికి కావాల్సిన అన్ని రకాల జాగ్రత్తలు తీసుకుంటున్నామని ఆమె తెలిపారు. అర్హులైన తల్లిదండ్రులు పిల్లలను అంగన్వాడీ కేంద్రాలకు పంపించి వారి భవిష్యత్తుకు పునాదులు వేయాలని ఆమె కోరారు.