నటి కల్పికపై మరో కేసు

గచ్చిబౌలి స్టేషన్‌లో నమోదు

శేరిలింగంపల్లి, జూన్ 14: కొన్ని రోజుల క్రితం గచ్చిబౌలిలోని ప్రిజం పబ్‌లో వివాదానికి కారణమైన నటి కల్పికా గణేశ్‌పై గచ్చిబౌలి పోలీసులు శనివారం మరో కేసు నమోదు చేశా రు. మే 29న ఈ ఘటన చోటు చేసుకున్నప్పటికీ ప్రిజంక్లబ్ అండ్ కిచెన్ మేనేజింగ్ పార్ట్‌నర్ దీపక్ బజాజ్ జూన్ 10న పోలీసులకు ఫిర్యాదు చేశారు.

ఈ మేరకు గచ్చిబౌలి పోలీస్ స్టేషన్‌లో కేసు నమోదు చేశారు. పబ్‌లో రచ్చ చేసిన నటి కల్పిక గణేష్ ఓ వ్యక్తి తో కలిసి ఆ పబ్‌కు వచ్చి సుమారు రూ.2,200 విలువైన ఫుడ్, బేవరేజ్‌లు తీసుకున్నారు. అనంతరం ‘చీజ్‌కేక్‘ అనే డెజర్టును ఉచితం గా ఇవ్వాలంటూ సిబ్బందిని బలవంతపెట్టారు.

గుడ్విల్ గెస్టర్గా బ్రౌనీ ఇవ్వగా ఆమె తిరస్కరించి, సిబ్బందిపై అసభ్య పదజాలంతో దూషించి, దాడికి ప్రయత్నించినట్లు తెలుస్తోంది. ఈ దురుసు ప్రవర్తనలో భాగంగా ఆమె ప్లేట్‌ను విసిరేసి ఆస్తి నష్టం కలిగించారని, అం తేకాకుండా ఇన్‌స్టాగ్రాంలో అనుచిత ఆరోపణలు చేశారని జనరల్ మేనేజర్ పోలీసులకు తెలిపారు.