ఏపీ సీఎం కీలక నిర్ణయం.. కాన్వాయ్ కుదింపు.. 4 కార్లలోనే చంద్రబాబు

అమరావతి: ఆంధ్రప్రదేశ్ ముఖ్యమంత్రి ఎన్. చంద్రబాబు నాయుడు తన కాన్వాయ్‌లోని(AP CM Chandrababu Convoy Reduced) కార్ల సంఖ్యను నాలుగుకు తగ్గించారు. దీంతో కాన్వాయ్ వాహనాల సంఖ్య 11 నుంచి 4కు తగ్గింది.  గురువారంనాడు ఉండవల్లిలోని తన నివాసం నుండి నాలుగు కార్ల కాన్వాయ్‌తో ఆయన సచివాలయానికి వెళ్లారు. 

పశ్చిమ ఆసియా సంక్షోభం నేపథ్యంలో బాధ్యతాయుతమైన ఇంధన వినియోగం కోసం ప్రధానమంత్రి నరేంద్ర మోదీ(Prime Minister Narendra Modi) చేసిన ఏడు విజ్ఞప్తుల తర్వాత ఈ చర్య తీసుకున్నారు. ఈ వారం ప్రారంభంలో సికింద్రాబాద్‌లో జరిగిన ఒక సభలో ప్రసంగిస్తూ, బాధ్యతాయుతమైన జీవనం కూడా ఒక రకమైన దేశభక్తి అని పేర్కొంటూ, ప్రజా రవాణా, కార్-పూలింగ్, ఎలక్ట్రిక్ వాహనాలను ఎక్కువగా ఉపయోగించడం ద్వారా పెట్రోల్, డీజిల్ వినియోగాన్ని తగ్గించాలని ప్రధాని మోదీ పౌరులను కోరారు. ఇదే సందర్భంగా బంగారం కొనవద్దని కూడా ప్రధాని ప్రజలకు పిలుపునిచ్చారు.