న్యూఢిల్లీ: ఎఫ్‌ఎంసిజి సంస్థ బజాజ్ కన్స్యూమర్ కేర్ లిమిటెడ్  రెండవ త్రైమాసికంలో ఫలితాలను సోమవారం ప్రకటించింది. సెప్టెంబర్ 30తో ముగిసిన రెండవ త్రైమాసికంలో నికర లాభం 33 శాతం పెరిగి రూ.42.3 కోట్లకు చేరుకుంది. దీనికి అధిక అమ్మకాలు దోహదపడ్డాయి. గత ఆర్థిక సంవత్సరం కంపెనీ రూ.31.85 కోట్ల నికర లాభాన్ని ఆర్జించిందని బజాజ్ కన్స్యూమర్ కేర్ లిమిటెడ్ రెగ్యులేటరీ ఫైలింగ్‌లో పేర్కొంది. రెండవ త్రైమాసికంలో కార్యకలాపాల ద్వారా దాని మొత్తం ఆదాయం రూ.265.27 కోట్లుకు పెరిగింది. గత ఏడాది రూ.233.98 కోట్లుగా ఉంది. వస్తువుల అమ్మకాల ద్వారా కంపెనీ ఆదాయం రూ.261.41 కోట్లుగా పెరిగి రూ.230.63 కోట్లుగా ఉందని కంపెనీ తెలిపింది. రెండవ త్రైమాసికంలో దాని ఖర్చులు రూ.221.7 కోట్లుగా ఉన్నాయని, గత ఏడాది ఇదే కాలంలో ఇది రూ.204 కోట్లుగా ఉందని కంపెనీ తెలిపింది.