ప్రభుత్వాన్ని హెచ్చరించిన భాగ్యనగర్ గణేశ్ ఉత్సవ సమితి

హైదరాబాద్: ట్యాంక్ బండ్ పై గణేష్ విగ్రహాల నిమజ్జనానికి అనుమతించాలని డిమాండ్ చేస్తూ భాగ్యనగర్ గణేష్ ఉత్సవ సమితి రాష్ట్ర ప్రభుత్వానికి ఆదివారం అల్టిమేటం జారీ చేసింది. నిమజ్జనం ఎప్పటి నుంచో వస్తున్న ఆనవాయితీగా వస్తోందని, నిమజ్జనం నిర్వహించేందుకు అవసరమైన ఏర్పాట్లు చేయాలని సభ్యులు ప్రభుత్వాన్ని కోరారు. దీనికి నిరసనగా జీహెచ్‌ఎంసీ, హైదరాబాద్‌ పోలీసులు ఏర్పాటు చేసిన ఫ్లెక్స్‌ బ్యానర్లు, బారికేడ్లను సమితి సభ్యులు తొలగించారు.

ట్యాంక్‌బండ్‌పై నిమజ్జనం ఏళ్ల తరబడి ఆనవాయితీగా వస్తున్నదని, కొత్త ఆంక్షలు విధించి భక్తుల మనోభావాలను దెబ్బతీయవద్దని అధికారులను కోరారు. 2022, 2023లో ఇలాంటి నిబంధనలు తీసుకొచ్చినప్పటికీ, చివరికి అనుకున్న ప్రకారం నిమజ్జనం జరిగిందని వారు సూచించారు. ప్రభుత్వం వెంటనే ట్యాంక్‌బండ్‌పై గణేష్ నిమజ్జన ఏర్పాట్లు ఈరోజు మధ్యాహ్నం వరకు చేయాలని డిమాండ్ చేశారు. లేదంటే రేపు హైదరాబాద్ వ్యాప్తంగా ఆందోళన చేసి నగరాన్ని స్తంభింప చేస్తామన్నారు. ఎక్కడికక్కడ మండపాల్లో వినాయకులను అదే విధంగా ఉంచుతాం అంటూ భాగ్యనగర్ గణేశ్ ఉత్సవ సమితి నేతలు ప్రభుత్వాన్ని హెచ్చరించించారు.