హైదరాబాద్: ఆదివారం ఇవాళ రాత్రి ప్రపంచవ్యాప్తంగా సంపూర్ణ చంద్రగ్రహణం (Lunar eclipse) ఏర్పడనుంది. రాత్రి 8.58 గంటలకు చంద్రగ్రహనం ప్రారంభం కానుంది. రాత్రి 11 గంటల నుంచి 12.22 గంటల వరకు గ్రహణం కొనసాగనుంది. సోమవారం తెల్లవారుజామున 2.25 గంటలకు చంద్రగ్రహణం వీడనుండి. గ్రహణం వేళ 82 నిమిషాలపాటు చంద్రుడు భూమి నీడనే ఉండనున్నాడు. ప్రపంచంలోని దాదాపు 85 శాతం మందికి చంద్రగ్రహణం కనిపించనుంది. ఆసియా, పశ్చిమ ఆస్ట్రేలియాల్లో సంపూర్ణ చంద్రగ్రహణం ఏర్పడగా, ఐరోపా, ఆఫ్రికా, తూర్పు ఆస్ట్రేలియా, న్యూజిలాండ్ లో పాక్షిక చంద్రగ్రహణం ఏర్పడనుంది. నేడు చంద్రగ్రహణం కారణంగా శ్రీశైలం ఆలయ(Srisailam Temple) ద్వారాలు మూతపడనున్నాయి. ఆదివారం మధ్యాహ్నం 1 గంట నుంచి రేపు ఉదయం 5 గంటల వరకు ఆలయ ద్వారాలు మూసివేస్తున్నట్లు ఆలయ అధికారులు వెల్లడించారు.