13 July, 2026 | 9:38 PM 
విశాఖలో అలరించిన బూమ్ మాక్స్ ఈవెంట్
విశాఖపట్టణం: ‘లివింగ్ ఇట్ లార్జ్ ’ స్లోగన్ ను సరికొత్తగా పరిచయం చేస్తూ సీగ్రామ్ రాయల్ స్టాగ్ నిర్వహించిన రాయల్ స్టాగ్ బూమ్ బాక్స్ నాలుగో ఎడిషన్ విశాఖలో సంగీతాభిమానులను ఉర్రూతలూగించింది. సంగీతం, గేమింగ్ ఎంటర్ టైన్ మెంట్ ఒకే వేదికపై ఉత్సాహంగా సాగింది. సెలబ్రిటీ కళాకారులు చేసిన ప్రదర్శనలకు వేలాది మంది అభిమానులు హాజరయ్యారు. అత్యంత ఉత్సాహవంతమైన సెట్స్ నుండి మర్చిపోలేని స్టేజీపై క్షణాల వరకు, ఈ కార్యక్రమం యువతను విశేషంగా అలరించింది. వైజాగ్ లోని ఇందిరా ప్రియదర్శిని స్టేడియం వేదికగా కేవలం సంగీతానికి మాత్రమే పరిమితం కాకుండా ఆకట్టుకునే ఇన్ స్టలేషన్స్, లీనమయ్యే ఆర్ట్ డిస్ ప్లేలతో పాటు ఫుడ్ స్టాల్స్ ఇంటరాక్టివ్ జోన్స్ లతో సందడిగా జరిగింది.
గేమింగ్ సంచలనం పాయల్ ధరే ప్రత్యేక ఆకర్షణగా నిలిచారు. అలాగే DJ సాహిల్ గులాటి బీట్స్ ఉర్రూతలూగించాయి. విలక్షణమైన పాప్ స్టైల్ మరియు సమకాలీన బాలీవుడ్ హిట్స్ కోసం ప్రసిద్ధి చెందిన నిఖిత గాంధీ పెర్ఫార్మెన్స్ అలరించింది. వీటితో పాటు తెలుగు గాయకుడు శ్రీరామ చంద్ర తన అద్భుతమైన గాత్రంతో పలు హిట్ పాటలను ఆలపించి అందరిలో జోష్ రెట్టింపు చేశాడు. రాయల్ స్టాగ్ బూమ్ బాక్స్ సంగీత ఉత్సవం కంటే ఎక్కువగా ప్రాచుర్యం పొందిందని నిర్వాహకులు పెర్నాడ్ రికార్డ్ ఇండియా ఛీఫ్ మార్కెటింగ్ ఆఫీసర్ దేబాశ్రీ దాస్ గుప్తా పేర్కొన్నారు.
ఇలాంటి అద్భుతమైన వేదికగా విశాఖ వాసులను అలరించే అవకాశం రావడం సంతోషంగా ఉందని సింగర్ శ్రీరామ చంద్ర చెప్పారు. ఇదిలా ఉంటే రాయల్ స్టాగ్ బూమ్ బాక్స్ తర్వాతి వేడుక మార్చి 28న మొహాలీలో జరుగుతుంది.
