1. మిస్‌వరల్డ్ పోటీలతో ‘తెలంగాణ రైజింగ్’
2. హైదరాబాద్‌లో ఈనెల 7నుంచి 31వరకు వేడుకగా పోటీలు
3. తెలంగాణలోని విభిన్నతను ప్రపంచానికి చాటేలా కార్యక్రమ ప్రణాళికలు
4. వివిధ టూరిజం ప్లాట్‌ఫామ్‌లను తెలియజేసేలా షెడ్యూల్
5. సీఎం రేవంత్‌రెడ్డి ఆదేశాల మేరకు విస్తృత ఏర్పాట్లు

హైదరాబాద్, మే 2 (విజయక్రాంతి): హైదరాబాద్ వేదికగా మే 7 నుంచి 31 వరకు 72వ మిస్ వరల్డ్ 2025 పోటీలను తెలంగాణ ప్రత్యేకతలను ప్రపంచానికి చాటేలా, అంతర్జాతీయంగా తెలంగాణకు బ్రాండ్ ఇమేజ్ పెంచేలా  వైభవంగా నిర్వహించేందుకు రాష్ట్ర ప్రభుత్వం పకడ్బందీ కార్యాచరణ సిద్ధం చేసింది. మిస్ వరల్డ్ పోటీలను సువర్ణ అవకాశంగా మలుచుకొని పెద్దఎత్తున పెట్టుబడులు తెలంగాణకు ఆకర్షించేలా ప్రయత్నాలు చేస్తోంది.

ప్రపంచం కళ్లన్నీ తెలంగాణ వైపే అనే స్లోగన్‌తో ఈ ఈవెంట్ రాష్ట్ర చరిత్రలో మైలురాయిగా నిలవనున్నది. ఈనెల 2 నుంచి 8వ తేదీల మధ్య మిస్ వరల్డ్ పోటీల కంటెస్టెంట్లు హైదరాబాద్‌కు రానున్నారు. దాదాపు 120 దేశాల నుంచి కంటెస్టెంట్లు, ఈ మెగా ఈవెంట్‌లో పాల్గొననున్నారు.

శుక్రవారం హైదరాబాద్‌లోని రాజీవ్ ఇంటర్నేషనల్ ఎయిర్‌పోర్టుకు చేరుకున్న మిస్ వరల్డ్ లిమిటెడ్ చైర్‌పర్సన్ సీఈవో జూలియా ఎవెలిన్ మోర్లీకి, మిస్ వరల్డ్ అధికారి కెర్రీ ఇతర అధికారులకు భారతీయ సంప్రదాయంలో ఘన స్వాగతం పలికా రు. ఈ సందర్భంగా తెలంగాణ సంస్కృతి, చరిత్ర, పర్యాటక ఆకర్షణలు, మెడికల్, సేఫ్టీ టూరిజం, తెలంగాణ గ్రోత్ స్టోరీ ఇతర ప్రత్యేకతలు ప్రపంచానికి పరిచయం చేయడానికి ప్రత్యేక థీమ్స్, టూరిస్ట్ సర్క్యూట్స్ రూపొందించారు. 

మిస్ వరల్డ్ 2025 కార్యక్రమం ప్రయాణ ప్రణాళికలు, వేదిక

* 12.05.2025- బుద్ధిస్ట్ ఆధ్మాత్మిక పర్య టన: ఈ వేడుకల్లో భాగంగా నాగార్జునసాగర్‌లో ఉన్న బుద్ధవనం ప్రాజెక్టును, బుద్ధిస్ట్ థీమ్ పార్కును ప్రపంచానికి తెలిపేలా బుద్ధిస్ట్ ఆధ్మాత్మిక పర్యటన చేపడతారు. మిస్ వరల్డ్ పోటీల్లో పొల్గొనే యువతులు బుద్ధవనం ప్రాజెక్టును మే 12న సందర్శిస్తారు. 

* 12.05.2025- హైదరాబాద్ హెరిటేజ్ వాక్: హైదరాబాద్ సాంస్కృతిక వారసత్వ గొప్పదనం ప్రపంచానికి తెలిపేలా చార్మినార్, లాడ్‌బజార్లలో హెరిటేజ్ వాక్ నిర్వహిస్తారు. 

* 13.05.2025- చౌహమల్లా ప్యాలెస్ సం దర్శన: హైదరాబాద్‌లో ప్రముఖమైన చౌ హమల్లా ప్యాలెస్‌ను సందర్శిస్తారు. అక్క డ లైవ్ మ్యూజిక్ కన్సర్ట్‌ను తిలకిస్తారు. 

* 14.05.2025- వరంగల్ హెరిటేజ్ సం దర్శన: గ్రూప్ 1లోని మిస్ వరల్డ్ కాంటెస్టెంట్‌లు చారిత్రక, అధ్యాత్మిక నగరం వరంగల్‌లోని వెయ్యిస్థంభాల గుడి, వరంగల్ పోర్టును సందర్శిస్తారు.

* 14.05.2025- రామప్ప ఆలయ సం దర్శన: గ్రూప్ 2లోని మిస్ వరల్డ్ కాంటెస్టెంట్‌లు యునెస్కో వారసత్వ సంపదగా గుర్తింపు పొందిన ప్రఖ్యాత రామప్ప ఆలయాన్ని సందర్శిస్తారు. అక్కడ ఏర్పాటు చేసిన పేరిణి నృత్యాన్ని తిలకిస్తారు. 

* 15.05.2025- యాదగిరిగుట్ట సందర్శన: గ్రూప్ 1లోని మిస్ వరల్డ్ కాంటె స్టెంట్‌లు ఆధ్యాత్మిక టూరిజంలో భాగంగా యాదగిరిగుట్ట ఆలయాన్ని సందర్శిస్తారు.

* 15.05.2025- హ్యాండ్లూమ్ ఎక్ప్సీరి యన్సల్ టూర్ : గ్రూప్ 2లోని మిస్ వరల్డ్ కాంటెస్టెంట్‌లు హ్యాండ్లూమ్ ఎక్సీరియన్సల్ టూర్‌లో భాగంగా పోచంపల్లి లో చేనేత వస్త్రాల తయారీని, ప్రదర్శనను ప్రత్యక్షంగా చూస్తారు. 

* 16.05.2025- మెడికల్ టూరిజంపై పరిచయం: వివిధ దేశాల నుంచి రోగులను ఆకర్షించే ఉద్దేశ్యంతో మెడికల్ టూ రిజం చేపడతారు. హైదరాబాద్‌లోని ఏఐజీ హాస్పిటల్‌లో నిర్వహించే మెడికల్ టూరిజం ఈవెంట్‌కు గ్రూప్ 1 మిస్ వరల్డ్ కాంటెస్టెంట్‌లు హాజరవుతారు. హైదరాబాద్‌లోని ఆధునిక ఆస్పత్రుల ప్రత్యేకతలను కాంటెస్టెంట్‌లు వివరిస్తారు. 

* 16.05.2025- పిల్లలమర్రి వృక్ష సంద ర్శన: గ్రూప్ 2 మిస్ వరల్డ్ కాంటెస్టెంట్‌లు మహబూబ్‌నగర్‌లోని పిల్లలమర్రి వృక్షాన్ని సందర్శిస్తారు. 

* 16.05.2025- ఎక్సీరియం ఎకో పార్క్ సందర్శన: గ్రూప్ 2 మిస్ వరల్డ్ కాంటెస్టెంట్‌లు సాయంత్రం హైదరాబాద్ నగరానికే ప్రత్యేక ఆకర్షణగా ఉన్న ఎక్సీరియం పార్కును సందర్శిస్తారు. 

* 17.05.2025- మిస్ వరల్డ్ ఆటల తుది పోటీలు: మిస్ వరల్డ్ కాంటెస్టెంట్‌లు గచ్చిబౌలి ఇండోర్ స్టేడియంలో నిర్వహించే మిస్ వరల్డ్ స్పోర్ట్స్ ఫైనల్ పోటీల్లో పాల్గొంటారు. 

* 17.05.2025- రామోజీ ఫిలింసిటీ సందర్శన: ప్రసిద్ధ ఫిలింసిటీల్లో ఒకటైన రామోజీ ఫిలింసిటీని మిస్‌వరల్డ్ కాంటెస్టెంట్‌లు సందర్శిస్తారు.

* 18.05.2025- సేఫ్టీ టూరిజం: మిస్ వరల్డ్ కాంటెస్టెంట్‌లు తెలంగాణ పోలీసు ఇంటిగ్రేటెడ్ కమాండ్ అండ్ కంట్రోల్ సెంటర్‌ను సందర్శించి తెలంగాణ ప్రభుత్వం పౌరుల భద్రతకు తీసుకుంటున్న చర్యలను, ప్రభుత్వ సేఫ్టీ టూరిజం ఇనిషియేటీవ్స్‌ను పరిశీలిస్తారు. 

* 18.05.2025- సెక్రటేరియట్ సందర్శన: మిస్ వరల్డ్ కాంటెస్టెంట్‌లకు అధికారులు తెలంగాణ రాష్ట్ర గ్రోత్ స్టోరీ, చరిత్రను తెలియజేస్తారు. ట్యాంక్‌బండ్‌పై ప్రతీ ఆదివారం ఏర్పాటు చేసే సండే ఫండే కార్నివాల్‌ను సందర్శిస్తారు. 

* 20, 21.05.2025-కాంటినెంటల్ ఫినాలే: మిస్ వరల్డ్ కాంటెస్టెంట్‌లను కాంటినెంటల్ క్లస్టర్ ఆధారంగా స్ట్రీమ్‌లైన్ చేసేం దుకు రీజియన్ స్పెసిఫిక్ ఫాస్ట్‌ట్రాక్ సెలక్షన్స్ నిర్వహిస్తారు.

* 20.05.2025 లేదా 21.05.2025- ఐపీఎల్ మ్యాచ్‌కు హాజరు: ఉప్పల్‌లోని రాజీవ్‌గాంధీ ఇంటర్నేషనల్ స్టేడియంలో జరుగనున్న ఐపీఎల్ మ్యాచ్‌కు గ్రూప్1 కంటెస్టెంట్లు హాజరవుతారు. 

* 21.05.2025- తెలంగాణ కళాకారులచే ఆర్ట్స్, క్రాఫ్ట్స్ వర్క్‌షాప్: గ్రూప్ 2 కంటెస్టెంట్లు శిల్పారామంలో తెలంగాణ కళాకా రులచే నిర్వహించే ఆర్ట్స్, క్రాఫ్ట్స్ వర్క్‌షాప్‌కు హాజరవుతారు. స్వయంగా వాటి తయారీలో భాగమై ప్రత్యక్షంగా తయారీ గురించి తెలుసుకుంటారు.

* 22.05.2025- మిస్ వరల్డ్ టాలెంట్ ఫినాలే: మిస్ వరల్డ్ టాలెంట్ ఫినాలేలో కంటెస్టెంట్లు పాల్గొంటారు.

* 23.05.2025- హెచ్2హెచ్ ఛాలెంజ్ ఫినాలే: హెడ్ టు హెడ్ ఛాలెంజ్ ఫినాలేలో కంటెస్టెంట్లు పాల్గొంటారు.

* 24.05.2025- మిస్ వరల్డ్ టాప్ మోడల్, ఫ్యాషన్ ఫినాలే, జ్యువెల్లరీ/పెర్ల్ గది షో మిస్ వరల్డ్ టాప్ మోడల్, ఫ్యాషన్ ఫినాలేలో పాల్గొంటారు.

* 26.05.2025- బ్యూటీ విత్ ఫ్యాషన్: బ్యూటీ విత్ ఫ్యాషన్‌లో కంటెస్టెంట్లు పాల్గొంటారు.

* 31.05.2025- మిస్ వరల్డ్ గ్రాండ్ ఫినాలే: మిస్ వరల్డ్ గ్రాండ్ ఫినాలేలో కంటెస్టెంట్లు పాల్గొంటారు.