ఘట్ కేసర్ (విజయక్రాంతి): దీక్షా దివస్ సందర్భంగా ఘట్ కేసర్ మున్సిపల్ బీఆర్ఎస్ పార్టీ అధ్యక్షులు బండారి శ్రీనివాస్ గౌడ్ ఆధ్వర్యంలో శనివారం ప్రభుత్వ ఆసుపత్రిలో ఆ పార్టీ నాయకులు రోగులకు పండ్లు, బ్రెడ్ ప్యాకెట్లు పంపిణీ చేశారు. ఈ సందర్భంగా శ్రీనివాస్ గౌడ్ మాట్లాడుతూ కేసిఆర్ సచ్చుడో తెలంగాణ వచ్చుడో అని కఠిన దీక్ష చేయడం వలన ఆయన చేసిన దీక్ష ఫలితంగానే తెలంగాణ రాష్ట్ర సిద్ధించిందన్నారు.

పాలకుల దయా దక్షిణాల మీద తెలంగాణ రాలేదని, కేసిఆర్ పోరాట పటిమ ఫలితంగానే సంకల్పంతోనే తెలంగాణ రాష్ట్ర సిద్ధించిందని ఆయన అన్నారు. ఈరోజు దీక్షా దివస్ సందర్భంగా ఒక పిలుపుతో ఇంత పెద్ద ఎత్తున తరలి వచ్చిన కార్యకర్తలకు, నాయకులకు ధన్యవాదాలు తెలియజేశారు. ఈ కార్యక్రమంలో ఘట్ కేసర్ మండల బీఆర్ఎస్ అధ్యక్షులు రమేష్, మాజీ సర్పంచులు, మాజీ ఎంపీటీసీలు, మాజీ కౌన్సిలర్లు, పార్టీ ముఖ్య నాయకులు, ఉద్యమకారులు, అభిమానులు, వైద్య సిబ్బంది, పెద్ద సంఖ్యలో పాల్గొన్నారు.