బనస్కాంత: గుజరాత్‌లోని(Gujarat) బనస్కాంత జిల్లాలో భారత భూభాగంలోకి ప్రవేశించడానికి ప్రయత్నించిన పాకిస్తాన్ చొరబాటుదారుడిని సరిహద్దు భద్రతా దళాలు (Border Security Force) శుక్రవారం రాత్రి మట్టుబెట్టాయి. అంతర్జాతీయ సరిహద్దును దాటిన తర్వాత సరిహద్దు కంచె వైపుకు వస్తున్న అనుమానాస్పద వ్యక్తిని భద్రతా దళాలు గుర్తించాయని భద్రతా దళాల ప్రకటన తెలిపింది. నిన్న రాత్రి బనస్కాంత జిల్లా(Banaskantha District)లో చొరబాటుకు యత్నించాడు. దీంతో బీఎస్ఎఫ్ దళాలు భారత్ లోకి రావద్దని హెచ్చరించారు. బీఎస్ఎఫ్ హెచ్చరికలు ఖాతరు చేయకుండా చొరబాటుకు యత్నించాడు. హెచ్చరించినా వినకపోవడంతో చొరబాటుదారుడిపై కాల్పులు జరిపారు. 

ఆపరేషన్ సిందూర్(Operation Sindoor) తర్వాత పాకిస్తాన్ సరిహద్దు షెల్లింగ్ ద్వారా కాల్పుల విరమణ ఉల్లంఘనలకు పాల్పడిన తర్వాత భద్రతా దళాలు అప్రమత్తంగా ఉన్నాయి. పాకిస్తాన్, పాకిస్తాన్ ఆక్రమిత కాశ్మీర్ (Pakistan-occupied Kashmir)లో ఉగ్రవాద మౌలిక సదుపాయాలను లక్ష్యంగా చేసుకుని పహల్గామ్ ఉగ్రవాద దాడికి ప్రతిస్పందనగా భారత్ మే 7న ఆపరేషన్ సిందూర్‌ను ప్రారంభించింది. రాజస్థాన్‌లో కొనసాగుతున్న ఆపరేషన్ సిందూర్‌లో భాగంగా జైసల్మేర్‌లోని అంతర్జాతీయ సరిహద్దు వెంబడి బిఎస్‌ఎఫ్ బలమైన ఉనికిని కొనసాగిస్తోంది. జాతీయ భద్రతను నిర్ధారించడానికి, సరిహద్దు దాటి వచ్చే ఏవైనా సంభావ్య ముప్పులను నివారించడానికి బిఎస్‌ఎఫ్ సిబ్బంది అవిశ్రాంతంగా కృషి చేస్తున్నారు. జైసల్మేర్ బిఎస్‌ఎఫ్ డిప్యూటీ ఇన్‌స్పెక్టర్ జనరల్ (డిఐజి) యోగేంద్ర సింగ్ రాథోడ్, జాతీయ భద్రతకు దళం అచంచలమైన నిబద్ధతను నొక్కిచెప్పారు. రక్షణలో మొదటి శ్రేణిగా వారి పాత్రను హైలైట్ చేశారు.