తిరువనంతపురం: నైరుతి రుతుపవనాలు(Southwest monsoon) శనివారం కేరళను తాకాయి. ఎనిమిది రోజుల ముందుగానే నైరుతి పవనాలు కేరళకు(Kerala) చేరుకున్నాయి. 2009 తర్వాత రుతుపవనాలు త్వరగా రావడం ఇదే తొలిసారి. కేరళ నుంచి రెండు, మూడు రోజుల్లో ఏపీలోకి విస్తరించే అవకాశముందని వాతావరణ శాఖ(Department of Meteorology) ప్రకటించింది. గత రెండు రోజులుగా అల్పపీడన ద్రోణి సాగుతుంది. రుతుపవనాల కారణంగా రాష్ట్రంలోని అనేక ప్రాంతాలలో భారీ వర్షాలు కురుస్తున్నాయి. రుతుపవనాల ప్రారంభానికి అనుకూలమైన అన్ని పరిస్థితులు ఇప్పుడు కేరళలో ఏర్పడ్డాయి. దక్షిణ కొంకణ్ తీరానికి సమీపంలో తూర్పు-మధ్య అరేబియా సముద్రంపై అల్పపీడనం ఏర్పడింది.

ఐఎండీ రెడ్ అలర్ట్ జారీ 

భారత వాతావరణ శాఖ (India Meteorological Department) మే 23 నుండి 27 వరకు కేరళలోని అనేక జిల్లాల్లో వివిధ తీవ్రతతో వర్షాలు కురుస్తాయని అంచనా వేసింది. దీని వలన రాష్ట్రవ్యాప్తంగా రెడ్, ఆరెంజ్, ఎల్లో హెచ్చరికలు జారీ చేయబడ్డాయి. ఐఎండీ అనేక జిల్లాలకు రెడ్ అలర్ట్ జారీ చేసింది. 24 గంటల్లో 204.4 మిమీ కంటే ఎక్కువ వర్షపాతం నమోదవుతుందని అంచనా వేసింది. మే 24న కన్నూర్ , కాసరగోడ్, మే 25న మలప్పురం, కోజికోడ్, వయనాడ్, కన్నూర్ - కాసరగోడ్, మే 26న పతనంతిట్ట, ఇడుక్కి, మలప్పురం, కోజికోడ్, వయనాడ్, కన్నూర్ -కాసరగోడ్ జిల్లాలకు మే 23న ఆరెంజ్ అలర్ట్ విధించబడింది. తమిళనాడు, తెలంగాణ, ఆంధ్రప్రదేశ్‌లలో కూడా రాబోయే ఐదు రోజుల్లో అక్కడక్కడ వర్షాలు, ఉరుములతో కూడిన వర్షాలు కురిసే అవకాశం ఉందని వాతావరణ శాఖ తెలిపింది. ఆదివారం వరకు భారీ నుండి అతి భారీ వర్షాలు కురుస్తాయని వాతావరణ శాఖ గోవాకు రెడ్ అలర్ట్ జారీ చేసింది. ముందు జాగ్రత్త చర్యగా నదులు, జలపాతాలకు దూరంగా ఉండాలని రాష్ట్ర ప్రభుత్వం ప్రజలను కోరింది. గత 24 గంటల్లో తీరప్రాంత రాష్ట్రంలోని అనేక ప్రాంతాల్లో భారీ వర్షాలు కురిశాయి.