పశువులకు గాలికుంటు వ్యాధి టీకాలు

నిర్మల్,(విజయక్రాంతి): నిర్మల్ రూరల్ మండలం తల్వేద  గ్రామంలో జిల్లా పశు వైద్య మరియు పశుసంవర్ధక శాఖ ఆధ్వర్యంలో పశువులకు ఉచిత గాలికుంటు వ్యాధి నిరోధక టీకాల 8 వ విడత కార్యక్రమాన్ని ప్రారంభించారు. గ్రామంలోని గేదెలు, ఆవులు, దూడలకు ఉచితంగా గాలికుంటు వ్యాధి నిరోధక టీకాలు వేశారు. గాలికుంటు వ్యాధి ఒక అంటూ వ్యాధి, ఇది పీకోర్ణ వైరస్ వలన సోకుతుందని మన రాష్ట్రంలో ఎక్కువగా O,A,Aisa-1, అనే స్ట్రెన్ వల్ల విస్తరిస్తుందని ఈ వ్యాధి సోకడం వల్ల మరణాల శాతం తక్కువగా ఉన్న పశువుల్లో పాల ఉత్పాదక శక్తి, పునరుత్పత్తి శక్తి సామర్థ్యం కుంటుపడుతుందని ఈ వ్యాధి తీవ్రత దేశవాళీ పశువుల కంటే సంకరజాతి పశువుల ఎక్కువగా ఉంటుందని పశువైద్యలు తెలిపారు.