పల్లకి సేవలో తరించిన ఎమ్మెల్యే పాయల్, మాజీమంత్రి రామన్న

ఆదిలాబాద్, నవంబర్ 30 (విజయక్రాంతి):  ఆదిలాబాద్ జిల్లా కేంద్రం అయ్యప్ప నామస్మరణతో మారుమ్రోగింది. బెల్లూరి శ్రీ అయ్యప్ప స్వామి ఆలయ కమిటీ ఆధ్వర్యంలో ఆదివారం నిర్వహించిన శ్రీ అయ్యప్ప స్వామి ఆరట్టు ఉత్సవం వైభవంగా జరిగింది.  శ్రీ రామచంద్ర గోపాలకృష్ణ మఠాధిపతి యోగానంద సరస్వతీ స్వామి ఆధ్వర్యంలో పల్లకి సేవ కొనసాగింది.

ఎమ్మెల్యే పాయల్ శంకర్, మాజీ మంత్రి జోగు రామన్న హాజరై అయ్యప్పకు ప్రత్యేక పూజలు చేశారు. స్వామివారి పల్లకి మోస్తూ భక్తీ స్వామివారి సేవలో తరించారు. ఈ సందర్భంగా ఎమ్మెల్యే మాట్లాడుతూ... గత కొన్ని సంవత్సరాలుగా శబరిమలలో జరుగుతున్న అరటూత్సవంలా  ఆదిలాబాద్‌లో నిర్వ హించడం ప్రజల్లో భక్తీ భవన పెంపొందిస్తుందన్నారు. గొప్ప అనుభూతి కలిగేలా ఆరతోత్స వం నిర్వహించడం అభినందనీయం అన్నారు.