పాల్గొన్న మేయర్ కోలగాని శ్రీనివాస్, డిప్యూటీ మేయర్ సునీల్ రావు 

ముకరంపుర, మార్చి 29 (విజయ క్రాంతి): నగరంలోని భగత్ నగర్ హరిహర క్షేత్రం అయ్యప్ప స్వామి దేవాలయంలో ఆదివారం  చిన్నారుల ‘గజ్జె పూజ’ కార్యక్రమం వైభవంగా జరిగింది. 12వ డివిజన్ కార్పొరేటర్ చొప్పరి జయశ్రీ వేణు ఆధ్వర్యంలో, ప్రముఖ నృత్య కళాకారిణి సమక్షంలో ఈ వేడుకను నిర్వహించారు.

ఈ కార్యక్రమానికి నగర మేయర్ కోలగాని శ్రీనివాస్, డిప్యూటీ మేయర్ యాదగిరి సునీల్ రావు ముఖ్య అతిథులుగా హాజరై చిన్నారుల నృత్య ప్రదర్శనలను తిలకించి, అభినందించారు. భారతీయ సంస్కృతిని, కళలను చిన్నతనం నుంచే అభ్యసించడం అభినందనీయమని పేర్కొన్నారు. ఈ కార్యక్రమంలో విద్యార్థుల తల్లిదండ్రులు, స్థానిక ప్రజలు పాల్గొన్నారు.