అంతరిక్షమును నడిపేది కూడా ఆడపిల్లలే

చండూరు ఆర్డీవో శ్రీదేవి

మర్రిగూడ(విజయక్రాంతి): మర్రిగూడ మండల కేంద్రంలో కస్తూర్బా పాఠశాల, జిల్లా పరిషత్ పాఠశాలలో పిఆర్ఆర్ ఫౌండేషన్ సౌజన్యంతో పదవ తరగతి కాంపిటేషన్ పుస్తకాలు బుధవారం అందజేశారు. ఈ కార్యక్రమానికి ముఖ్యఅతిథిగా చండూరు ఆర్డీవో శ్రీదేవి హాజరయ్యి మాట్లాడారు.  నాడు వంటగదిగే పరిమితం చేసిన సమాజంలో నేడు అదే ఆడపిల్లలు ఆకాశాన్ని దాటి అంతరిక్ష్యాన్నీ కూడా నడిపిస్తున్నారు. చదువు శాస్త్రం సాంకేతిక రంగాల్లో తమ సత్తా చాటుతూ మహిళలు అంతరిక్ష పరిశోధనలో కీలకపాత్ర పోషిస్తున్నారని, రాకెట్ ప్రయోగాల నుంచి ఉపగ్రహాల నియంత్రణ వరకూ మిషన్ డిజైన్ నుంచి డేటా విశ్లేషణ వరకు ప్రతి దశలోను మహిళా శాస్త్రవేత్తలు ముందుండి నడిపిస్తున్నారని గుర్తు చేశారు.

భారత అంతరిక్ష పరిశోధన సంస్థ ఇస్రోలో మహిళా శాస్త్రవేత్తల భాగ్య సామ్యం దేశానికి గర్వ కారణమని చంద్రయాన్ మంగళయాన్ వంటి ప్రతిష్టాత్మక మిషన్లలో మహిళల పాత్ర చరిత్ర సృష్టించిందని ఆడపిల్లలు బలహీనులనే అపోహాలు చెరిపివేసి ఆకాశమే హద్దు కాదని నిరూపించుకోవాలని విద్యార్థినులను ఉద్దేశించి మాట్లాడారు. గ్రామాల నుంచి పట్టణాల వరకు ప్రభుత్వ పాఠశాలల నుంచి అత్యున్నత పరిశోధన కేంద్రాల వరకు మహిళలు సాధించాలని చదివితే ఒక కుటుంబమే కాదు ఒక దేశమే ఎదుగుతుందనే నినాదానికి  ఎదగాలని పిలుపునిచ్చారు. ఈ కార్యక్రమంలో పి ఆర్ ఆర్ ఫౌండేషన్ చైర్మన్ చెల్లం పాండురంగారావు తహసిల్దార్ శ్రీనివాస్ ఎంపీడీవో మున్నయ్య ప్రధానోపాధ్యాయులు ఉపాధ్యాయులు విద్యార్థినులు పాల్గొన్నారు.