calender_icon.png 29 November, 2025 | 7:04 PM

  • top-fb.png
  • top-tw.png
  • top-insta.png
  • top-yt.png

వార్డు మెంబర్ కూడా గెలవని వ్యక్తికి ప్రోటోకాలా?

29-11-2025 05:49:54 PM

కౌశిక్ రెడ్డి పేరు వింటేనే కాంగ్రెస్ నాయకులకు దడ పుడుతుంది..

భారత రాష్ట్ర సమితి యువజన నాయకుడు మోరే మధు.. 

హుజురాబాద్ (విజయక్రాంతి): వార్డు మెంబర్ కూడా గెలవని నాయకునికి ప్రోటోకాల్ ఎలా వర్తిస్తుందని భారత రాష్ట్ర సమితి యువజన నాయకుడు మోరే మధు అన్నారు. కరీంనగర్ జిల్లా హుజురాబాద్ పట్టణంలో శనివారం ఓ సమావేశంలో మాట్లాడుతూ.. కౌశిక్ రెడ్డి పేరు వింటేనే కాంగ్రెస్ నాయకులకు దడ పుడుతుందన్నారు. తాటాకు చప్పులకు భయపడం భౌతిక దాడులు చేస్తే ప్రతిదాడులు చేస్తాం అని హెచ్చరించారు. ప్రోటోకాల్ గురించి మాట్లాడే నైతిక హక్కు కాంగ్రెస్ నాయకులకు లేదని అన్నారు. ప్రభుత్వంలో ఉన్నాం అధికారంలో ఉన్నాం అని భౌతిక దాడులు చేస్తాం అని విర్రవీగితే భారత రాష్ట్ర సమితి నాయకులు చూస్తూ ఊరుకోరని.. దాడులకు ప్రతిదాడులు చేస్తాం అని హెచ్చరించారు. 

కాంగ్రెస్ ప్రభుత్వం ఇచ్చి మరిచిన హామీలను ఎండగడుతూ ప్రభుత్వం మీద పదునైన మాటలతో దాడి చేస్తున్న కౌశిక్ అన్నను ప్రజలు ఆదరిస్తున్నారని, అసూయతో కాంగ్రెస్ నాయకులు జీర్ణించుకోలేకపోతున్నారని అన్నారు. సాధ్యం కానీ హామీలు ఇచ్చి వాటిని ప్రశ్నిస్తే దాడులు చేస్తాం అని ప్రశ్నిస్తే దిష్టిబొమ్మలు దగ్ధం చేస్తాం అని అసహనానికి గురయ్యే కాంగ్రెస్ శ్రేణులు ఆత్మ విమర్శ చేసుకొని బుద్ధి తెచ్చుకోవాలని హితవు పలికారు. రాజకీయాలలో హుందా గురించి మాట్లాడుతున్న కాంగ్రెస్ నాయకులు సంతలో పశువులను కొన్నట్టు ఎమ్మెల్యేలను కొనుక్కొని కోర్టు చేతిలో చివాట్లు తిన్న విషయం మరచిపోవద్దు అని గుర్తు చేశారు.