ఇవాంకా ట్రంప్ హత్యకు కుట్ర?

ఇరాన్‌లో శిక్షణ పొందిన ఉగ్రవాది టర్కీలో అరెస్టు

మహ్మద్ బాఖర్ సాద్ దావూద్ అల్ సాదీగా గుర్తింపు

వాషింగ్టన్, మే 23: అమెరికా అధ్యక్షుడు డొనాల్డ్ ట్రంప్ పెద్ద కుమార్తె ఇవాంకా ట్రంప్ హత్యకు కుట్ర జరిగినట్లు తెలుస్తోంది. ఐఆర్జీసీతో సంబంధాలున్న ఓ ఉగ్రవాది ఈ కుట్ర పన్నినట్లు తెలిసింది. ఇటీవల టర్కీలో మహ్మద్ బాఖర్ సాద్ దావూద్ అల్ సాదీని అరెస్టు చేసి, అమెరికాకు అప్పగించిన తర్వాత ఇవాంక హత్య కుట్ర బయటపడిందని అంతర్జాతీయ మీడియా కథనం వెల్లడించింది.

ఇటీవల అమెరికా చేసిన దాడుల్లో ఇరాన్‌కు చెందిన కీలక నేతలు మరణించారు. దీంతో అమెరికా అధ్యక్షుడు డొనాల్డ్ ట్రంప్‌పై ఇరాన్ కోపంగా ఉంది. ఈ నేపథ్యంలో తాజాగా ఓ సంచలన విషయం వెలుగులోకి వచ్చింది. ట్రంప్ పెద్ద కుమార్తె ఇవాంకా ట్రంప్ హత్యకు కుట్ర జరిగిందని సమాచారం. ఇరాన్‌కు చెందిన ఇస్లామిక్ రివల్యూషనరీ గారడ్స్ కోర్(ఐఆర్జీసీ) గ్రూపుతో సంబంధాలున్న ఓ ఉగ్రవాది ఈ కుట్ర పన్నినట్లు న్యూయార్క్ పోస్ట్ వెల్లడించింది.

2020లో ఇరాన్ అగ్రశ్రేణి కమాండర్ ఖాసీం సులేమాని హత్యకు ప్రతీకారంగా ఆమెను హతమార్చేం దుకు ఈ పథక రచన చేశాడని పేర్కొంది. కానీ, అతడు ప్లాన్ అమలు చేసేలోపే అరెస్టయ్యాడని తెలిపింది. న్యూయా ర్క్ పోస్ట్ ప్రకారం... 32 ఏళ్ల మహ్మద్ బాఖర్ సాద్ దావూద్ అల్ సాదీ కొంతకాలం క్రితం తుర్కియేలో అరెస్టు అయ్యాడు. అక్కడి నుంచి అతడ్ని అమెరికాకు తరలించారు. బాఖర్ సాద్‌ను విచారించిన దర్యాప్తు అధికారులు కీలక విషయాలను గుర్తించారు. ఇవాంకా ట్రంప్‌ను చంపుతానని అతడు శపథం చేశాడని పేర్కొన్నారు.

మహ్మద్ వద్ద ఇవాంక కుటుంబం నివసిస్తోన్న ఇంటి బ్లూప్రింట్ ఉన్నట్లు అధికారులు గుర్తించారు. ఫ్లోరిడాలోని ఆమె నివాసం ఫొటోను సోషల్ మీడియాలో కూడా షేర్ చేసినట్లు తెలుస్తోంది. ఖాసీం సులేమానీ ఇరాన్ మిలిటరీలో అగ్రశ్రేణి కమాండర్. 2020లో ఇస్లామిక్ రివల్యూషనరీ గారడ్స్ కోర్ (ఐఆర్జీసీ) విభాగం ఖుద్ ఫోర్స్కు కమాండర్గా అతడిని అమెరికా హత్య చేసింది. ఈ హత్యకు ప్రతీకారం తీర్చుకుంటానని మహ్మద్ బహిరంగంగానే ప్రకటిం చాడు. ‘మీ రాజభవనాలు గానీ, సీక్రెట్ సర్వీస్ గానీ మిమ్మల్ని రక్షించవు’ అని ఇవాంకా కుటుంబాన్ని హెచ్చరిస్తూ అరబిక్‌లో ఒక సందేశాన్ని పోస్ట్ చేశాడు. ఇరాన్ -ఇరాక్ ఉగ్రనెట్‌వర్క్‌లో అతడిది కీలకపాత్ర అని అమెరికా అధికారులు వెల్లడించారు.