డ్యూటీలో అధికారులపై దాడి చేస్తే కఠిన చర్యలు

హైదరాబాద్: విధుల్లో ఉన్న ప్రభుత్వ అధికారులపై(Government officials) ఎవరైనా దాడి చేస్తే కఠిన చర్యలు తీసుకుంటామని నగర పోలీసు కమిషనర్ వి.సి. సజ్జనార్(Police Commissioner V.C. Sajjanar) హెచ్చరించారు. పోలీసు సిబ్బంది, ఉపాధ్యాయులు, ఆర్టీసీ సిబ్బంది, ఇతర ప్రభుత్వ ఉద్యోగులతో సహా అధికారులను అడ్డుకోవడం, దాడి చేయడం వల్ల బీఎన్‌ఎస్ సెక్షన్లు 221, 132, 121(1) కింద తక్షణ క్రిమినల్ కేసులు నమోదు చేస్తామని పేర్కొన్నారు. ఇలాంటి నేరాలకు పాల్పడిన వారిపై హిస్టరీ షీట్లు కూడా తెరుస్తామని సజ్జనార్ తెలిపారు. ఒకసారి కేసు నమోదు అయితే, అది పాస్‌పోర్ట్ జారీ, ప్రభుత్వ ఉద్యోగాల(Government jobs) అర్హతతో సహా ఒక వ్యక్తి భవిష్యత్తును తీవ్రంగా ప్రభావితం చేస్తుందని సజ్జనార్  హెచ్చరించారు. ప్రజలు బాధ్యతాయుతంగా వ్యవహరించాలని కోరుతూ, ఒక్క క్షణం కోపం కూడా జీవితాంతం పరిణామాలకు దారితీస్తుందని నగర పోలీసు కమిషనర్  పేర్కొన్నారు.