న్యూఢిల్లీ: దేశరాజధాని ఢిల్లీలో 19 మంది కోవిడ్ రోగులు ఆసుపత్రిలో చేరారని, అయితే ఆందోళన చెందాల్సిన అవసరం లేదని ముఖ్యమంత్రి రేఖ గుప్తా(Delhi CM Rekha Gupta ) గురువారం అన్నారు. ఢిల్లీ ప్రభుత్వం అప్రమత్తంగా ఉందని, ఆసుపత్రులు సిద్ధంగా ఉన్నాయని ముఖ్యమంత్రి లోక్ నాయక్ జై ప్రకాష్ ఆసుపత్రిలో విలేకరులతో అన్నారు. "పంతొమ్మిది మంది రోగులు ఆసుపత్రులలో చేరారు. మిగిలిన వారు వారి ఇళ్లలో చికిత్స పొందుతున్నారు. కానీ కోవిడ్-19(Covid-19) ప్రజలు ఆందోళన చెందాల్సిన స్థాయికి చేరుకోలేదు. ప్రభుత్వం ప్రతి పరిస్థితికి సిద్ధంగా ఉంది" అని రేఖ గుప్తా అన్నారు. ప్రజలు జాగ్రత్తగా ఉండాల్సిన అవసరం ఉందని సూచించారు. అధికారిక డేటా ప్రకారం సోమవారం వరకు ఢిల్లీలో 104 కరోనా యాక్టివ్ కేసులు ఉన్నాయి. గత వారంలో 24 మంది రోగులు కోలుకున్నారని ఆరోగ్య అధికారులు తెలిపారు.