హుటా హుటిన గ్రామానికి చేరుకున్న అధికారులు 

గ్రామస్తులకు నచ్చచెప్పి చివరి రోజు నామినేషన్ వేయించిన అధికారులు 

కామారెడ్డి జిల్లా మల్లుపేటలో గ్రామస్తుల డిమాండ్ 

కామారెడ్డి (విజయక్రాంతి): తమ గ్రామ సమస్యలు ఎవరు పట్టించుకోవడంలేదని తాము గ్రామపంచాయతీ ఎన్నికలకు నామినేషన్లు బహిష్కరిస్తామని గ్రామస్తులు డిమాండ్ చేసిన ఘటన కామారెడ్డి జిల్లా సదాశివ నగర్ మండలం మల్లుపేట గ్రామంలో చోటుచేసుకుంది. స్థానిక గ్రామస్తుల కథనం ప్రకారం వివరాలు ఇలా ఉన్నాయి. తమ గ్రామంలో అనేక సమస్యలు ఉన్నాయని అధికారులకు చెప్పిన, ప్రజా ప్రతినిధులకు చెప్పిన పట్టించుకోవడంలేదని తాము స్థానిక సంస్థల ఎన్నికల్లో పోటీ చేయమని తేల్చి చెప్పడంతో అధికారులు ఆందోళన కు గురయ్యారు. మూడు రోజులైనా సర్పంచుకు, వార్డు సభ్యులకు నామినేషన్లు దాఖలు చేయకపోవడంతో చివరి రోజున శనివారం మండల అధికారులు గ్రామానికి వెళ్లి గ్రామస్తులకు నచ్చజెప్పే ప్రయత్నం చేశారు. తమ గ్రామం కల్వరాల రెవిన్యూ గ్రామంలో ఉందని సపరేట్ చేయాలని ఎన్నో ఏళ్లుగా కోరుతున్నా పట్టించుకోవడంలేదని గ్రామస్తులు అధికారులకు తెలిపారు.

తమ గ్రామం మీద 44 జాతీయ రహదారి ఉండడంతో ప్రమాదాలు జరుగుతున్నాయని ప్రాణనష్టం జరుగుతుందని అధికారులకు విన్నవించిన పట్టించుకోవడం లేదన్నారు. గ్రామ స్టేజి వద్ద బ్రిటి నిర్మాణం చేయాలని ఎన్నిసార్లు రెడీ అయినా అధికారులు పట్టించుకోవడం లేదని అందుకే నామినేషన్లు బహిష్కరిస్తున్నామంటూ శనివారం మండలం మల్లుపేట గ్రామస్తులు నిరసన వ్యక్తం చేశారు. అధికారులు గ్రామానికి వెళ్లి గ్రామస్తులు డిమాండ్ చేసిన సమస్యలను పరిష్కరించేందుకు కృషి చేస్తామని కలెక్టర్ దృష్టికి తీసుకెళ్తామని తెలిపారు. ఎన్నో సంవత్సరాలుగా తమ సమస్యలను అధికారులకు విన్నవిస్తున్న పట్టించుకోవడంలేదని ఎన్నికల్లో పోటీ చేయడం ఏమిటికి అని గ్రామస్తులు అధికారులను నిలదీశారు.

కలెక్టర్ తో మాట్లాడించి హామీ ఇచ్చిన అధికారులు 

కామారెడ్డి జిల్లా సదాశివనగర్ మండలం మల్లుపేట గ్రామస్తులు తమ సమస్యలు పరిష్కరించాలని లేకుంటే గ్రామ సర్పంచి వార్డు సభ్యుల స్థానాలకు పోటీ చేయమంటూ గత మూడు రోజులుగా నామినేషన్ వేయకుండా నిరసన వ్యక్తం చేశారు. శనివారం చివరి రోజు కావడంతో నామినేషన్లు వేయాలని అధికారులు గ్రామస్తుల వద్దకు వెళ్లి నచ్చ చెప్పారు. మూడు గంటల పాటు మండల స్థాయి అధికారులు గ్రామస్తులతో చర్చించారు. కలెక్టర్ తో మాట్లాడి సమస్యలను పరిష్కరిస్తామని హామీ ఇవ్వడంతో చివరి సమయంలో నామినేషన్లు దాఖలు చేశారు.

చివరి వరకు ఉత్కంఠ నెలకొంది. గ్రామస్తులందరూ ఏకమై తాము సమస్యలు పరిష్కరించాలని డిమాండ్ చేయడంతో అధికారులకు ఉక్కిరి బిక్కిరి అయ్యారు. గ్రామ స్టేజి వద్ద 44వ జాతీయ రహదారిపై బ్రిడ్జి నిర్మాణం చేపట్టే విధంగా కృషి చేస్తామని అధికారులు హామీ ఇచ్చారు. కల్వరాల గ్రామం నుంచి రెవిన్యూ గ్రామం నుంచి మల్లుపేట గ్రామాన్ని సపరేటు రెవెన్యూ గ్రామం ఏర్పాటు చేస్తామని గ్రామస్తులకు అధికారులు హామీ ఇచ్చారు. చివరి సమయంలో శనివారం సాయంత్రం సర్పంచ్ స్థానానికి ఇద్దరు నామినేషన్లు వేయగా, వార్డు సభ్యులు స్థానాలకు నామినేషన్లు వేయడంతో అధికారులు ఊపిరి పీల్చుకున్నారు.