- మాజీ మేయర్ వై సునీల్ రావు

హుజురాబాద్,(విజయక్రాంతి): వీణవంక మండలంలోని అన్ని గ్రామాల్లో భారతీయ జనతా పార్టీ బలపరిచిన అభ్యర్థులను గెలిపించాలని కరీంనగర్ మాజీ మేయర్, బిజెపి నాయకుడు యాదగిరి సునీల్ రావు కోరారు. శనివారం వీణవంకలో ఆయన మీడియాతో మాట్లాడుతూ... కేంద్ర ప్రభుత్వం నిధులు ఇస్తున్నప్పుటికి గ్రామాల అభివృద్ధికి గత రెండు ఏళ్లుగా కాంగ్రెస్ పార్టీ అధికారంలోకి వచ్చిన రోజు నుంచి ఇవాళ్టి వరకు కేంద్ర ప్రభుత్వం నిధులు తప్పుతే ఒక్క నయా పైసా నిధులు కూడా గ్రామాలకి విడుదల చెయ్యలేదని అన్నారు. 

రూ.3000 కోట్ల నిధులు వస్తే గ్రామపంచాయలు కొంత ఆర్థికంగా వెసులుబాటు కావడంతోపాటు ఏదైనా అభివృద్ధి కార్యక్రమాలు చేసే అవకాశం ఉందని తెలిపారు. భారతీయ జనతా పార్టీ బలపరిచిన అభ్యర్థులను, భారతీయ జనతా పార్టీ బ్యాగ్రౌండ్ ఉన్న అభ్యర్థులను ప్రజలు గెలిపించినట్టయితే ఆ నిధులతో పాటు పార్లమెంట్ సభ్యులు, కేంద్ర హోం శాఖ మంత్రి బండి సంజయ్ కుమార్ నాయకత్వంలో కూడా పెద్ద ఎత్తున గ్రామపంచాయతీలకు నిధులు వచ్చే అవకాశం ఉందని అన్నారు. అభివృద్ధి జరగాలన్న, జరుగుతున్న అభివృద్ధి ఇంకా వేగంగా పరిగెత్తాలి అన్న భారతీయ జనతా పార్టీ అభ్యర్థులు గెలిపించాల్సిన అవసరం ఉందని సునీల్ రావు స్పష్టం చేశారు.