హైదరాబాద్: రెండేళ్లైనా విద్యుత్ శాఖపై ఉపముఖ్యమంత్రి భట్టి విక్రమార్కకి ఏమాత్రం అవగాహన రాలేదని బీఆర్ఎస్ మాజీ మంత్రి, సిద్దిపేట ఎమ్మెల్యే హరీశ్ రావు శనివారం పేర్కొన్నారు. కాంగ్రెస్ ప్రభుత్వానికి కమీషన్లపై ఉన్న శ్రద్ధ పాలసీలపై లేదని, 2400 మోగావాట్ల థర్మల్ పవర్ ప్లాంట్ పై హడావుడిగా ఎందుకు వెళ్తున్నారని హరీశ్ రావు ఆగ్రహం వ్యక్తం చేశారు. థర్మల్ పవర్ ప్లాంట్ పై మంత్రివర్గ నిర్ణయం ఆగమేఘాల మీద ఎందుకు..?, ఎన్టీపీసీతో ఒప్పందం చేసుకోకుండా హడావుడి ఎందుకు..? అని ప్రశ్నించారు. రూ.50 వేల కోట్ల బడా కుంభకోణం కాబట్టే హడావుడి చేస్తున్నారని హరీశ్ రావు తెలిపారు.