కుమ్రం భీం ఆసిఫాబాద్ (విజయక్రాంతి): బిజెపి నేత, వన్ నేషన్ వన్ ఎలక్షన్ జిల్లా కన్వీనర్ అరిగెల నాగేశ్వరరావు(District Convener Arigela Nageshwar Rao) గురువారం తన నివాసం వద్ద సుమారు వంద మహిళలకు చీరలను పంపిణీ చేశారు. ఈ సందర్భంగా ఆయన మాట్లాడుతూ... ప్రజా జీవితంలో సమస్యలను పరిష్కరించడంతో పాటు సేవా కార్యక్రమాలలో పాల్గొనడం ఆనందంగా ఉంటుందన్నారు. గత నెల పుట్టిన రోజు సందర్భంగా ప్రజలకు దుప్పట్లు పంపిణీ చేయడం జరిగిందని అందులో భాగంగానే మహిళలకు చీరలు అందజేసినట్టు తెలిపారు. ఈ కార్యక్రమంలో నాయకులు ప్రసాద్ గౌడ్, వెంకన్న, శ్రీకాంత్, జయరాజ్ తదితరులు పాల్గొన్నారు.