26 June, 2025 | 9:48 PM
సినిమా హాల్లో ప్రేక్షకులపై ఊడిపడ్డ సీలింగ్
26-06-2025 04:47:15 PM
మహబూబాబాద్ (విజయక్రాంతి): మహబూబాబాద్ జిల్లా కేంద్రంలోని ముకుంద థియేటర్(Mukunda Theatre)లో బుధవారం రాత్రి సెకండ్ షో కుబేర సినిమా ప్రదర్శిస్తుండగా పైన ఉన్న సీలింగ్ ప్రేక్షకులపై ఊడి పడింది. పలువురికి స్వల్పంగా గాయాలయ్యాయి. థియేటర్ నిర్వాహకులు దెబ్బతిన్న సీలింగ్ కు మరమ్మతులు చేయించకుండా నిర్లక్ష్యం వహించడం వల్లే ఈ సంఘటన చోటుచేసుకుందని ప్రేక్షకులు రాత్రి యాజమాన్యంతో గొడవపడ్డారు. పెద్ద ప్రమాదం జరగకపోవడంతో అంతా ఊపిరి పీల్చుకున్నారు.
