వేగంగా అభివృద్ధి చెందుతున్న తెలుగు ఓటీటీ ప్లాట్‌ఫామ్‌లలో ఒకటైన ఈటీవీ విన్, టీవీలు, టాబ్లెట్‌లు మరియు స్మార్ట్‌ఫోన్‌లతో సహా అన్ని స్క్రీన్‌లపై ప్రేక్షకుల కోసం డాల్బీ విజన్ మరియు డాల్బీ అట్మాస్ అనుభవాన్ని అందుబాటులోకి తీసుకువచ్చింది. తద్వారా తన స్ట్రీమింగ్ ప్లాట్‌ఫామ్‌లో ఒక పెద్ద మార్పును ప్రకటించింది.. డాల్బీ అట్మాస్‌లో లిటిల్ హార్ట్స్, కానిస్టేబుల్ కనకం, రాజు వెడ్స్ రాంబాయి వంటి సూపర్ హిట్ కంటెంట్ మూవీలను డాల్బీ విజన్ మరియు డాల్బీ అట్మాస్ రెండింటిలోనూ అందుబాటులోకి తీసుకొచ్చింది . వీటితో పాటు రీసెంట్ గా రిలీజ్ అయివ “క’’ తో పాటు ఎన్నో సూపర్ హిట్ చిత్రాలు ఇప్పుడు డాల్బీ విజన్ మరియు డాల్బీ అట్మాస్ ఎక్స్పీరియన్స్ తో ఈటీవీ విన్‌లో అందుబాటులో ఉన్నాయి.

డాల్బీ అట్మాస్‌తో శక్తివంతమైన సినిమాటిక్ ఎక్స్పీరియన్స్ ను నేరుగా అందించబోతున్నట్టు తెలిపింది. డాల్బీ విజన్ మరియు డాల్బీ అట్మాస్ లో కంటెంట్ చూడడం ద్వారా వీక్షకులకు ఒక కొత్త థియేటర్ ఎక్స్‌పీరియన్స్‌తో పాటు క్వాలిటీ సౌండ్ తో ఒక థ్రిల్‌కి గురిచేస్తుందనీ  డాల్బీ లాబొరేటరీస్ మార్కెటింగ్- ఇండియా డైరెక్టర్ సమీర్ సేథ్ తెలిపారు. డాల్బీలో, క్రియేటర్లు, ప్లాట్‌ఫామ్‌లు వారు ఊహించిన విధంగానే వారి కథలను అందించేందుకు తాము కట్టుబడి ఉన్నామనీ వెల్లడించారు. తెలుగు ప్రేక్షకులు ఇప్పుడు అసాధారణమైన ఆడియో-విజువల్ డెప్త్‌తో తమకు ఇష్టమైన కంటెంట్‌ను ఆస్వాదించవచ్చనీ తెలిపారు. వీక్షకులకు మరింత వినోదం కోసం డాల్బీ ప్రీమియం ఆడియో-విజువల్ ఆవిష్కరణలతో కీలక అడుగు వేసామని ఈటీవీ విన్ ఓటీటీ హెడ్ సాయికృష్ణ అన్నారు.