అందరికీ సూపర్ హీరో నాన్నే

సుధీర్‌బాబు హీరోగా రూపొందిన చిత్రం ’మా నాన్న సూపర్ హీరో’. అభిలాష్ రెడ్డి కంకర దర్శకత్వంలో  సునీల్ బలుసు నిర్మిస్తున్నారు. ఆర్ణ హీరోయిన్ కాగా.. సాయి చంద్, సాయాజీ షిండే కీలక పాత్రలు పోషిస్తున్నారు. ఈ నెల సినిమా అక్టోబర్ 11న ప్రేక్షకుల ముందుకు వస్తున్న నేపథ్యంలో హీరో సుధీర్‌బాబు విలేకరుల సమావేశంలో సినిమా విశేషాలను పంచుకున్నారు.

“ఇద్దరు తండ్రులు, కొడుకు చుట్టూ తిరిగే కథ ఇది. తండ్రిని చూసుకోవడానికి కొడుకు పడే తపనలో కొత్త అంశాలు ఆసక్తిని రేకెత్తిస్తాయి. ఇది థ్రిల్లర్ కాదు. మానవ సంబంధాల మీద ఉన్న పాయింట్ ఇది. మన అందరికీ సూపర్ హీరో నాన్నే. మహేశ్‌బాబు ట్రైలర్ బాగుందని మెచ్చుకున్నారు. డైలాగ్ గురించి ప్రస్తావిస్తూ చాలా ఫన్నీగా ఉందన్నారు’ అని చెప్పారు సుధీర్‌బాబు.